دەيتۇرعانمەن، بۇگىندە اۋىل جۇرتشىلىعى قالادا تۇرۋعا اسىق.
«ءبۇگىندە قازاقستان حالقىنىڭ 40 پايىزعا جۋىعى اۋىلدا تۇرادى. «اۋىل – ەل بەسىگى» دەپ حالقىمىز بەكەر ايتقان جوق. اۋىلداعى جاعدايدى جاقسارتا الماساق – بارىمىزگە سىن. سول ءۇشىن مەن اۋىلدى دامىتۋ ءماسەلەسى تۋرالى جارلىققا قول قويامىن. وسى قۇجات ارقىلى ۇكىمەتكە اۋىلدى دامىتۋدىڭ بەس جىلعا ارنالعان ناقتى جوسپارىن ازىرلەۋدى تاپسىرامىن. ۇكىمەت اۋىلدى دامىتۋعا ارنالعان بارلىق جوبانى جۇيەلى تۇردە رەتتەپ، جيناقتاۋى ءتيىس. سودان كەيىن ماقساتتى تۇردە ءتيىمدى جۇمىس جۇرگىزەمىز».
بۇل - مەملەكەت باسشىسى قاسىم-جومارت توقايەۆتىڭ 2022 جىلعى 26 قاراشادا ۇلىقتاۋ سالتاناتىنان كەيىن سويلەگەن سوزىنەن. وندا پرەزيدەنت ءوزىنىڭ جاڭا پرەزيدەنتتىك مەرزىمدەگى ءبىرىنشى جارلىعىن اۋىلعا ارناپ، ءدال سول كۇنى «قازاقستاننىڭ اۋىلدىق اۋماقتارىن دامىتۋدىڭ 2023-2027 جىلدارعا ارنالعان تۇجىرىمداماسى تۋرالى» جارلىققا قول قويعان بولاتىن.
مەملەكەت باسشىسى اۋىلدى گۇلدەنتۋ ماسەلەلەرىنە پرەزيدەنتتىك العاشقى مەرزىمىنەن بەرى ەرەكشە نازار اۋدارىپ كەلەدى.
دەگەنمەن، اۋىل حالقى قالاعا قاراي كوشۋگە بەيىم. قازىرگى ۋاقىتتا ەلىمىزدىڭ اۋىلدارىندا 7،5 ميلليوننان استام ادام تۇرادى.
ۇلتتىق ستاتيستيكا بيۋروسىنىڭ مالىمەتىنشە، بۇل – ەل حالقىنىڭ 38،2%-ى.
ۋربانيزاسيا قارقىنىنا بايلانىستى سوڭعى جىلدارى اۋىل حالقىنىڭ ۇلەسى ازايىپ كەلەدى. ەگەر 2022 جىلدىڭ باسىندا اۋىلدارداعى حالىق سانى 7 728 176 ادامدى قۇراسا، 2023 جىلدىڭ باسىندا بۇل كورسەتكىش 7 556 745 بولدى. ونىڭ ىشىندە 3 832 903 – ەرلەر، 3 723 842-ايەلدەر.
اۋىل تۇرعىندارىنىڭ سانى جاعىنان تۇركىستان وبلىسى الدا، ونداعى اۋىلدىقتار سانى – 1 599 909 ادام. ەكىنشى ورىندا الماتى وبلىسى – 1 262 161 ادام، ءۇشىنشى ورىندا جامبىل وبلىسى – 691 179 ادام. ودان كەيىن قىزىلوردا وبلىسى – 442 423 جانە ماڭعىستاۋ وبلىسى – 420 052. اۋىل تۇرعىندارىنىڭ سانى ۇلىتاۋ وبلىسىندا ەڭ از، وندا وبلىس حالقىنىڭ 21%، ياعني 46 328 ادام تۇرادى.
وبلىس حالقىنىڭ جالپى ۇلەسىندە اۋىلدىقتار سانى باسىم 7 ءوڭىر: الماتى، جامبىل، قىزىلوردا، ماڭعىستاۋ، سولتۇستىك قازاقستان، تۇركىستان جانە جەتىسۋ وبلىستارى.