بۇل قاراجاتقا تۇرعىن ءۇي كوممۋنالدىق شارۋاشىلىعى، الەۋمەتتىك جانە كولىك ينفراقۇرىلىم جوبالارى ىسكە اسىپ جاتىر.
ءبىراق جىل سايىن اۋىلدان قالاعا 200 مىڭداي ادام كوشەدى، دەپ حابارلايدى Almaty-akshamy.kz
ەلدە بولاشاعى بۇلىڭعىر 2 مىڭ 800 ەلدىمەكەن بار.
ۇلتتىق ەكونوميكا ءمينيسترى الىبەك قۋانتىروۆتىڭ سوزىنشە، ولار دامۋ الەۋەتى بار ەلدىمەكەندەر بولىپ سانالادى. وكىنىشكە قاراي، تۇرعىندار سانى ازايعان كەيبىر اۋىلداردا جاعداي قيىن. ءقازىر بولاشاعى بۇلىڭعىر 2 مىڭ 800 ەلدىمەكەن بار. ول جەرلەردە، شامامەن، حالىقتىڭ 10 پايىزى عانا تۇرادى.
"بۇل اۋىلداردا 700 مىڭعا جۋىق ادام تۇرىپ جاتىر. تۇرعىندار سانى ەداۋىر ازايعان اۋىلداردا جاعداي قيىنداۋ. ال كەيبىر اۋىلداردى قالپىنا كەلتىرىپ، قولداۋ جاسالادى. بۇل تۇرعىدا وسى اۋىلداردىڭ بولاشاعى وڭىرلەردە جۇرگىزىلگەن ساياساتقا قاتىستى بولادى"، - دەدى ق ر ۇلتتىق ەكونوميكا ءمينيسترى الىبەك قۋانتىروۆ.
جالپى، جىل سايىن اۋىلدان قالاعا 200 مىڭداي ادام كوشەدى. قونىس اۋدارۋدىڭ باستى سەبەبى - جۇمىستىڭ جوقتىعى جانە ينفراقۇرىلىمنىڭ توزۋى. سونىمەن قاتار "اۋىلدىقتاردىڭ تابىسى قالالىقتارعا قاراعاندا ەداۋىر تومەن"، دەيدى مينيستر.