باستى تالاپ - مەملەكەتتىك ءتىلدى ءبىلۋى ءتيىس.
Nur Otan جانىنداعى قوعامدىق ساياسات ينستيتۋتى وسى سايلاۋعا بايلانىستى ەل اراسىندا ساۋالناما جۇرگىزگەن. وسى ارقىلى ماماندار اۋىل اكىمى بولۋعا لايىق ادامنىڭ پورترەتىن جاساۋعا تىرىسقان، دەپ حابارلايدى Almaty-akshamy.kz Almaty.tv cايتىنا سىلتەمە جاساپ.
«ءبىز ەلدىڭ پىكىرىن تەرۋ ارقىلى اۋىل اكىمى بولۋعا لايىق ادامنىڭ پورترەتىن جاساۋعا تىرىستىق. بولاشاق اكىمگە قويىلاتىن مىندەتتى تالاپتار رەتىندە اۋىلدىق رەسپوندەنتتەر جوعارى ءبىلىمىنىڭ جانە باسشى لاۋازىمدارداعى جۇمىس ءوتىلىنىڭ بولۋىن، سونداي-اق مەملەكەتتىك ءتىلدى ءبىلۋىن باستى تالاپ رەتىندە قويادى»،– دەدى Nur Otan پارتياسىنىڭ قوعامدىق ساياسات ينستيتۋتىنىڭ ديرەكتورى ءمادينا نۇرعالييەۆا.
ساۋالناماعا 3 مىڭ اۋىل تۇرعىنى قاتىسقان بولاتىن. سونىمەن قاتار، مادينا نۇرعالييەۆا اۋىل تۇرعىندارىن بارىنشا ويلانىپ داۋىس بەرۋگە شاقىردى.
«تۇرعىندارعا اۋىلدىڭ ناقتى ماسەلەلەرىن شەشە الاتىن، جاۋاپكەرشىلىگى مول، ءبىلىمدى جانە ساۋاتتى ادامدى تاڭداۋ دۇرىس ەكەنىن ءتۇسىنۋ كەرەك»،– دەدى ساراپشى.
بۇعان دەيىن ايتىلعانداي، 25 شىلدەدە 730 اۋىلدىڭ اكىمى سايلاۋ ارقىلى قىزمەتكە كەلەدى. ال جىل سوڭىنا دەيىن تاعى 45 اۋىل اكىمى سايلانۋى ءتيىس.
«اۋىل اكىمدەرىن سايلاۋ – ساياسي جاڭعىرۋدىڭ جاڭا كەزەڭى. وسى كەزەڭنەن باستاپ بىزدە «اۋىل اكىمى» دەيتىن تاعى ءبىر سايلانبالى لاۋازىم پايدا بولدى. وسى ۋاقىتقا دەيىن قازاقستاندا ءبىر عانا سايلانبالى لاۋازىم بولعان ەدى. ول – ق ر پرەزيدەنتى. الداعى سايلاۋدىڭ ەرەكشەلىگى – ازاماتتاردىڭ اۋىلدىق اۋماقتاردى دامىتۋعا قاتىسۋىن كەڭەيتۋ. ەندى جەرگىلىكتى ماڭىزى بار ماسەلەلەردى تىكەلەي اۋىل تۇرعىندارى شەشە الادى. سونداي-اق، ساياسي پارتيالار ءۇشىن دە، بەلسەندى ازاماتتار ءۇشىن دە ساياسي باسەكەلەستىكتى دامىتۋعا جاقسى مۇمكىندىك تۋىنداپ تۇر. ياعني، ءوزىن-وزى ۇسىنۋ تاجىريبەسى دەربەس ازاماتتارعا ب ا ق سىناۋعا جول اشادى»، – دەدى ءمادينا نۇرعالييەۆا.
ينستيتۋت ديرەكتورى الداعى سايلاۋدىڭ تاعى ءبىر ماڭىزدى ەلەمەنتى رەتىندە بيۋللەتەندەردە «بارىنە قارسىمىن» دەگەن باعاننىڭ بولۋىن ايرىقشا اتادى. ونىڭ ايتۋىنشا، بۇل - دەموكراتيالىق تاجىريبەنىڭ دامۋىنان تۋىنداعان تالاپ. "سايلاۋ ناۋقانى قىزىقتى باستالدى دەۋگە بولادى. مىڭداعان ادام ءوز-وزىن ۇسىنىپ جاتىر".