2025 جىلعا قاراي «اۋىل – ەل بەسىگى» جوباسى اياسىندا اۋىلدىق جەرلەردەگى 315 جاڭا مەكتەپ سالىنادى. بۇل تۋرالى ۇكىمەت وتىرىسىندا ق ر ۇلتتىق ەكونوميكا ءمينيسترى اسەت ەرعالييەۆ ايتتى، دەپ حابارلايدى almaty-akshamy.kz
«ءبىلىم بەرۋدىڭ ساپاسى مەن قولجەتىمدىلىگىن ارتتىرۋ اياسىندا اۋىلدىق جەرلەردە 5 مىڭ مەكتەپتى جاڭعىرتۋ جانە 315 جاڭا مەكتەپ سالۋ جوسپارلانۋدا. مەكتەپكە دەيىنگى تاربيەمەن جانە وقىتۋمەن 3 جاستان 6 جاسقا دەيىنگى بالالار 100 پايىز قامتىلاتىن بولادى»، - دەدى اسەت ەرعالييەۆ.
ونىڭ اتاپ وتۋىنشە، بارلىق اۋىل مەكتەپتەر بىلىكتى پەداگوگتارمەن قامتاماسىز ەتىلەدى.
«1 095 نىسان سالۋ جانە جاڭعىرتۋ اۋىلدىق جەرلەردە دەنساۋلىق ساقتاۋ جۇيەسى قىزمەتتەرىنىڭ ساپاسى مەن قولجەتىمدىلىگىن ارتتىرۋعا مۇمكىندىك بەرەدى. اۋىلدا سپورتپەن اينالىسۋ جانە شىعارماشىلىقتى دامىتۋ ءۇشىن جاعداي جاساۋ ماقساتىندا 1 719 سپورت جانە 1،5 مىڭ مادەنيەت نىسانى سالىنىپ، جاڭعىرتىلاتىن بولادى»، - دەدى مينيستر.