2020 جىلدىڭ قورىتىندىسى بويىنشا 55،2%-عا ارتىپ، 623،6 ملن اقش دوللارىن قۇرادى.
ساۋدا جانە ينتەگراسيا ۆيسە-مينيسترى قايرات تورەبايەۆ اۋعانستان يسلام رەسپۋبليكاسى پرەزيدەنتىنىڭ ساياسات جانە ستراتەگيا جونىندەگى باس ديرەكتورى حارريس مانانمەن ەكىجاقتى ساۋدا-ەكونوميكالىق بايلانىستاردى نىعايتۋ جانە ءوزارا ساۋدانى ۇلعايتۋ ماسەلەلەرىن تالقىلاۋ بويىنشا ونلاين كەلىسسوزدەر جۇرگىزدى، دەپ حابارلايدى Almaty-akshamy.kz.
«كوروناۆيرۋس پاندەمياسىنىڭ سالدارىنا قاراماستان، قازاقستان مەن اۋعانستان اراسىنداعى ءوزارا ساۋدا كولەمى 2020 جىلدىڭ قورىتىندىسى بويىنشا 55،2%-عا ارتىپ، 623،6 ملن اقش دوللارىن قۇردى»، دەلىنگەن ساۋدا جانە ينتەگراسيا مينيسترلىگىنىڭ باسپا ءسوز قىزمەتىنىڭ حابارلاماسىندا.
قايرات تورەبايەۆتىڭ حابارلاعانىنداي، 2021 جىلدىڭ ءقاڭتار-ساۋىر ايلارىندا تاۋار اينالىمى 2،8%-عا ءوسىپ، 163 ملن اقش دوللارىن قۇراسا، وسى كەزەڭدەگى ەكسپورت كولەمى 2،5%-عا ءوسىپ، 161،8 ملن اقش دوللارىن قۇرادى.
تاۋار اينالىمى ءوسۋىنىڭ وڭ سەرپىنىن قولداۋ ماقساتىندا جانە تاۋار اينالىمىن ۇلعايتۋ جونىندەگى شارالار رەتىندە قازاقستاندىق تاراپ ەلدەر اراسىنداعى ەكسپورت قۇرىلىمىن ءارتاراپتاندىرۋدى جۇرگىزۋدى ۇسىندى.
«قازاقستاندىق ساراپشىلار اۋعانستان نارىعىنا قازاقستاننان جەتكىزىلۋى ىقتيمال تاۋارلاردىڭ ءتىزىمىن دايىندادى. بۇل 45-تەن استام ءونىمنىڭ جالپى سوماسى $360 ملن قۇرايدى، ماسەلەن، ءبىزدىڭ مۇناي-حيميا (سوماسى $91 ملن)، تاماق (سوماسى $226،2 ملن)، مەتاللۋرگيا (سوماسى $15 ملن)، ماشينا جاساۋ (سوماسى $2،4 ملن)، حيميا (سوماسى $16،8 ملن)، جەڭىل ونەركاسىبى (سوماسى $6،4 ملن)، اعاش وڭدەۋ جانە جيھاز (سوماسى $2،1 ملن. سالالارىنىڭ ونىمدەرىن جەتكىزۋدى ۇلعايتۋعا مۇمكىندىگىمىز بار»، –دەدى ساۋدا جانە ينتەگراسيا ۆيسە-مينيسترى قايرات تورەبايەۆ.
كەزدەسۋ بارىسىندا ۆيسە-مينيستر قايرات تورەبايەۆ ساۋدا ىنتىماقتاستىعىن ودان ءارى دامىتۋ ماقساتىندا قازاقستان اۋعانستاننان جەمىستەر مەن كوكونىستەردى ساتىپ الۋعا دايىن ەكەنىن اتاپ ءوتتى. ودان باسقا، قازاقستاندىق تاراپ تەرمەز حالىقارالىق ساۋدا ورتالىعى بازاسىنداعى ىنتىماقتاستىققا قىزىعۋشىلىق ءبىلدىردى.
قايرات تورەبايەۆتىڭ پىكىرىنشە، ەلدەر اراسىندا ينۆەستيسيا كولەمىن قارقىنداتۋ قاجەتتىلىگى دە بار. وسىعان بايلانىستى «قورعاس» شىحو الەۋەتىن قحر نارىعىنا كوتەرمە-بولشەك ەكسپورتتاۋ ءۇشىن الاڭ رەتىندە پايدالانۋ ۇسىنىلدى.
وسى كەزدەسۋدىڭ ناتيجەسى رەتىندە قازاقستاندىق تاراپ اعىمداعى جىلى قازاقستان-اۋعانستان بيزنەس-فورۋمىن ۇيىمداستىرۋدى ۇسىندى.