اۋعانستاندا قاڭتار ايىنىڭ باسىنان-اق كۇن قاتتى سۋىتىپ، قالىڭ قار جاۋدى
اۋعانستاندا سوڭعى ەكى اپتادا قالىڭ قار مەن ايازدان 104 ادام قۇربان بولدى، دەپ ءمالىم ەتتى اۋعانستاننىڭ تابيعي اپاتتار مەن گۋمانيتارلىق ماسەلەلەر مينيسترلىگىنىڭ وكىلى شافيۋللا راحيمي. بۇل تۋرالى Almaty-akshamy.kz قازاقپاراتقا سىلتەمە جاساپ حابارلايدى.
شافيۋللا راحيمي جەرگىلىكتى بۇقارالىق اقپارات قۇرالدارىنىڭ وكىلدەرىنە تاحار، باداحشان، نيمروز، كانداگار، لاگمان، گازني، ۋرۋزگان، دجاۋزدجان، ساري-پۋل، فارياب، پاكتيك، بالحە، سامانگان، باميان قالالارى مەن ەلدىڭ وزگە دە ءبىرقاتار ايماعىندا بالالار مەن ايەلدەردى قوسا العاندا اياز سالدارىنان سوڭعى ەكى اپتادا 104 ادامنىڭ قۇربان بولعانىن ءمالىم ەتتى.
سينحۋا اگەنتتىگىنىڭ مالىمەتىنشە، اۋعانستاندا جىلىتۋ جۇيەسى جوق، سوندىقتان تۇرعىندار جىلىنۋ ءۇشىن كوبىنە كومىر، اعاش پەن سۇيىتىلعان گازدى پايدالانادى جانە ەلدە گازدان ۋلانىپ، كومىرقىشقىل توتىعىنان قايتىس بولۋ جاعدايلارى ءجيى بولىپ تۇرادى.
اۋعانستاندا قاڭتار ايىنىڭ باسىنان-اق كۇن قاتتى سۋىتىپ، قالىڭ قار جاۋدى. كەي اۋدانداردا اۋا تەمپەراتۋراسى 30 گرادۋس سەلسيگە دەيىن تومەندەدى.