ستۋدەنت قىزدار ءۇشىن دارىستەر بەلگىسىز ۋاقىتقا توقتاتىلادى.
اۋعان ەلىندە بۇدان بىلاي ايەل مۇعالىمدەرگە مەكتەپتەردە ساباق بەرۋگە تىيىم سالىندى، ال باستاۋىش سىنىپتارىنىڭ وقۋشى قىزدارى مەكتەپتەرگە بارا المايدى، دەپ حابارلايدى Almaty-akshamy.kz Inbusiness.kz سىلتەمە جاساپ.
بۇگىن تاڭەرتەڭ كابۋل مەكتەپتەرىنىڭ باسشىلىعى ايەل مۇعالىمدەرگە تاليباننىڭ (ق ر اۋماعىندا تىيىم سالىنعان ۇيىم) بۇيرىعىنا بايلانىستى جۇمىسقا كەلۋگە بولمايتىنىن ەسكەرتتى.
سونداي-اق، تالىپتەر بۇعان دەيىن ءبىلىم الۋعا رۇقسات بەرىلگەن قىزداردى دا ۇيلەرىنە قايتارىپ جاتىر. ال كابۋل ۋنيۆەرسيتەتتەرىنىڭ بىرىندە ەسىكتە ستۋدەنت قىزداردى كىرگىزبەۋ تۋرالى ەسكەرتۋ ىلىنگەن.
تاليبان ۇكىمەتىنىڭ بۇيرىعى ءبىر كۇن بۇرىن جاريالاندى - اۋعانستانداعى ستۋدەنت قىزدار ءۇشىن دارىستەر بەلگىسىز ۋاقىتقا توقتاتىلادى.