مۇحتار اۋەزوۆ اتىنداعى قازاق ۇلتتىق دراما تەاترىنىڭ 100 جىلدىعىنا وراي الماتى قالاسىندا «ەڭلىك - كەبەك» سپەكتاكلىنىڭ مەرەيتويلىق كورسەتىلىمى ءوتتى، - دەپ حابارلايدى Aqshamnews.kz.
«ەڭلىك - كەبەك» قويىلىمى قازاق كاسىبي تەاترىنىڭ تاريحىندا ايرىقشا ورىن الادى. ويتكەنى سپەكتاكل – 1926 جىلى مۇحتار اۋەزوۆ اتىنداعى قازاق ۇلتتىق دراما تەاترىندا ساحنالانعان ەڭ العاشقى قويىلىمداردىڭ ءبىرى. قويىلىم ماحاببات پەن ادالدىق تاقىرىبىن كوتەرىپ، كوپشىلىك كورەرمەنگە ىزگى قۇندىلىقتاردى ناسيحات ەتەدى.
سونىمەن قاتار، كورەرمەن تەاتر مۋزەيى ۇيىمداستىرعان «ۇلتتىق تەاتردىڭ باستاۋى - «ەڭلىك - كەبەك» قويىلىمى» اتتى ەكسپوزيسيامەن تانىستى. كورمەدە العاشقى ساحنالىق قويىلىمدار تاريحىنان سىر شەرتەتىن فوتوسۋرەتتەر، قۇندى جادىگەرلەر مەن تەاتردىڭ كوركەمدىك مۇراسىن ايقىندايتىن ماتەريالدار ۇسىنىلدى.