اۋەزوۆ اۋدانى كوميۋنيتي-ورتالىعى مەن دەمالىس ورتالىقتارىنىڭ «AUEZOV AWARDS» اتتى جىلدىق قورىتىندى كونسەرتى ءوتتى.
بۇل كەش – ءبىر جىل ىشىندە اتقارىلعان يگى ىستەردىڭ، تىڭ باستامالار مەن الەۋمەتتىك جوبالاردىڭ، جاستاردىڭ شىعارماشىلىعى مەن بەلسەندىلىگىنىڭ قورىتىندىسى. كوميۋنيتي-ورتالىق پەن دەمالىس ورتالىقتارى جۇزەگە اسىرعان جوبالاردىڭ ناتيجەسى مەن جاستاردىڭ تابىستى ەڭبەكتەرى ساحنا تورىندە كورىنىس تاپتى.
– الماتىنىڭ ءار اۋدانىندا كەم دەگەندە 2 كوميۋنيتي-ورتالىقتان بار. بۇل ورتالىقتار جاستاردىڭ جان-جاقتى قىرلارىن اشۋعا، بويلارىنداعى مۇمكىندىكتى پايدالانۋعا ەرەكشە شابىت سىيلايدى. ءبىزدىڭ شىعارماشىلىق باعىتتاعى ورتا جاستاردى الەۋمەتتەندىرۋ مەن قوعامدا وزدەرىن دامىتۋعا كومەكتەسەدى. «AUEZOV AWARDS» – دارىندى، شىعارماشىل، كرەاتيۆتى جاستاردىڭ باسىن بىرىكتىرگەن بىرەگەي الاڭ، – دەدى اۋەزوۆ اۋدانى كوميۋنيتي-ورتالىعىنىڭ جەتەكشىسى باۋىرجان ماحامبەت.
شارانىڭ ماقساتى – اۋداننىڭ كرەاتيۆتى، بەلسەندى، زاماناۋي جاستار قاۋىمىن قولداۋ، ولاردىڭ ەڭبەگىن باعالاۋ جانە جاڭا باستامالارعا شابىت بەرۋ.
باعدارلاما اياسىندا جىل بويى جۇزەگە اسقان جوبالاردىڭ تانىستىرىلىمى ۇسىنىلىپ، ءتۇرلى اتالىم بويىنشا ۇزدىك جاستار، جەتەكشىلەر مەن قىزمەتكەرلەر ماراپاتتالدى.
ال كوميۋنيتي-ورتالىقتىڭ بەلسەندى قىزمەتكەرى قۋانىش ۋتەميسوۆ اۋەزوۆ اۋدانى باسشىلىعىنىڭ تىڭ ۇسىنىستاردى قاشان دا قولداۋعا دايىن ەكەنىن جەتكىزدى.
– ءبىر جىلدىڭ ىشىندە ءبىز جاستارعا ارنالعان ءبىرقاتار جوبانى جۇزەگە اسىردىق. ونىڭ ىشىندە جاستاردىڭ يدەيالارىن قالالىق دەڭگەيگە دەيىن تانىتاتىن ترەنينگتەر مەن سەمينارلار، شەبەرلىك ساباقتار ۇيىمداستىردىق. ناتيجەسى جامان ەمەس، – دەدى قىزمەتكەر.