اۋەزوۆ اۋدانىنىڭ دوستىق، مامىر-4 جانە بۇرىنعى باۋ-باقشا قوعامداستىقتارىندا ينجەنەرلىك جەلىلەر جاڭعىرتىلۋدا
جۇرگىزىلگەن ورتالىقسىزداندىرۋدىڭ وڭ ناتيجەلەرى جانە ينجەنەرلىك جەلىلەردى دامىتۋ بويىنشا جوبالار تۋرالى اۋەزوۆ اۋدانىنىڭ اكىمى ابزال ەگەمبەردييەۆ وكق بريفينگىندە باياندادى.
بۇگىنگى تاڭدا اۋداندا سۋمەن جابدىقتاۋ جانە سۋ بۇرۋ جەلىلەرىن جاڭارتۋ تالاپ ەتىلەتىن 4 پروبلەمالىق اۋماق بويىنشا جوبالار جوسپارلانىپ، ىسكە اسىرىلۋدا. وسى ۋچاسكەلەردەگى سۋ قۇبىرى جانە كارىز جەلىلەرى 1960-1970 جىلدارى سالىنعانىن ەسكەرسەك، ولاردىڭ 90% توزعان.
ءبىرىنشى اۋماق دوستىق شاعىن اۋدانىندا كارىز جەلىلەرىن سالۋ جۇمىستارى 2023 جىلدىڭ ءىىى توقسانىندا باستالدى، جالپى ۇزىندىعى 13،7 كم.، 759 جەكە ءۇي مەن 3650 تۇرعىن قامتىلدى. جوبانى 2024 جىلدىڭ سوڭىنا دەيىن اياقتاۋ جوسپارلانۋدا.
ەكىنشى اۋماق بۇرىنعى ءۇش «ۆوسحود»، «سادوۆود»، «ارداگەر» باۋ-باقشا سەرىكتەستىكتەرىنىڭ بارلىق 8 كوشەسىندە 2023 جىلدىڭ ءىىى توقسانىندا جالپى ۇزىندىعى 5،2 كم، 117 جەكە ءۇيدى قامتيتىن سۋمەن جابدىقتاۋ جانە سۋ بۇرۋ جەلىلەرىن سالۋ جۇمىستارى باستالدى. بۇل جۇمىستار بيىلعى جىل سوڭىندا اياقتالادى.
ءۇشىنشى اۋماق «مامىر-4» شاعىن اۋدانىنداعى 197 ءۇيدى جانە 750 تۇرعىندى قامتي وتىرىپ، ۇزىندىعى 12،3 كم سۋمەن جابدىقتاۋ جانە سۋ بۇرۋ جەلىلەرىن توسەۋ جۇمىستارىن 2024 جىلدىڭ ءىى توقسانىندا باستاپ، 2025 جىلى اياقتاۋدى جوسپارلانىپ وتىر.
ءتورتىنشى اۋماق «ساين-شالياپين-جاندوسوۆ-قارعالى وزەنى» كوشەلەرىنىڭ الاڭىندا جالپى ۇزىندىعى 42 كم، 700 ءۇيدى قامتيتىن سۋمەن جابدىقتاۋ جانە سۋ بۇرۋ قۇرىلىسى بويىنشا جسق ازىرلەۋ اياقتالۋدا. بۇل جۇمىستاردى 2024 جىلدىڭ ءىى توقسانىندا باستاۋدى جوسپارلانىپ وتىر.
بۇل جوبالاردى ىسكە اسىرۋ بارلىق 4 اۋماق بويىنشا 11 مىڭنان استام تۇرعىندى ساپالى سۋمەن جانە كارىز جۇيەسىمەن قامتاماسىز ەتۋگە مۇمكىندىك بەرەدى.
بۇدان باسقا، «الماتى سۋ» جەلىسى بويىنشا ساين كوشەسىنىڭ شالياپين كوشەسىنەن اباي داڭعىلىنا دەيىنگى اۋماقتا سۋ قۇبىرى جەلىلەرىن قايتا جاڭارتۋ اياقتالدى، جالپى ۇزىندىعى 0،9 كم. ۇلىقبەك داڭعىلىنىڭ (وڭتۇستىك جانە سولتۇستىك جاعى) 2 بولىگىندە، ساين كوشەلەرىنەن مومىش ۇلى كوشەلەرىنە دەيىن، جالپى ۇزىندىعى 2،5 كم جانە تولە بي كوشەلەرىنە دەيىن، ساين كوشەسىنەن مومىش ۇلى كوشەسىنە دەيىن، ۇزىندىعى 1 كم جۇمىس جالعاسۋدا.
وسى اۋماقتارداعى قايتا جاڭارتۋ جۇمىستارى جەتىسۋ جانە اقساي شاعىن اۋداندارىنىڭ تۇرعىندارىن ۇزدىكسىز سۋمەن جابدىقتاۋدى جاقسارتۋعا مۇمكىندىك بەرەدى. جۇمىستاردى اعىمداعى جىلدىڭ سوڭىنا دەيىن اياقتاۋ جوسپارلانۋدا.