الماتى قالاسىنىڭ اۋەزوۆ اۋدانىندا رۇقساتسىز تۇرعان ساۋدا نۇكتەلەرىن كەزەڭ-كەزەڭىمەن ءسۇرۋ جۇمىسى جۇرگىزىلىپ جاتىر. وڭىرلىك كوممۋنيكاسيالار قىزمەتىندە اۋدان اكىمى ابزال ەگەمبەردييەۆ وسىلاي دەپ حابارلادى.
ونىڭ ايتۋىنشا، جىل باسىنان بەرى اۋداندا 114 بەيستاسيونارلىق ساۋدا نىسانى مەن رۇقسات قۇجاتى جوق 53 سيلومەر (كۇش ولشەۋ اپپاراتى) بۇزىلعان. بۇل جۇمىس جەر رەسۋرستارىن باسقارۋ دەپارتامەنتىمەن بىرلەسە جۇزەگە اسقان.
«دەمونتاج جۇمىستارى باستالار الدىندا مەنشىك يەلەرىنە اۋماقتى بوساتۋ قاجەتتىگى تۋرالى ەسكەرتۋ حاتتارى جىبەرىلەدى. كوپ جاعدايدا كاسىپكەرلەر ەسكەرتۋدەن كەيىن نىساندارىن وزدەرى الىپ تاستايدى. باس تارتقان جاعدايدا، ارناۋلىقىزمەتتەر ولاردى ماجبۇرلەپ بۇزادى»، - دەيدى ابزال ەگەمبەردييەۆ.
بۇزىلعان نىسانداردىڭ قايتا ورناتىلۋىنا جول بەرمەۋ ماقساتىندا اۋماقتاردى تۇراقتى تۇردە باقىلاپ، ءتۇسىندىرۋ جۇمىستارى ءجۇرىپ جاتىر. بۇل ءىس-شارالار ولاردىڭ قۇقىقتىق مادەنيەتىن ارتتىرىپ، بەلگىلەنگەن ءتارتىپتى ساقتاۋىنا باعىتتالعان.
اۋدان اكىمدىگىنىڭ مالىمەتىنشە، بۇل جۇمىس اۋدان اۋماعىندا ءتارتىپتى، قولايلىلىق پەن قاۋىپسىزدىكتى قامتاماسىز ەتۋگە، سونداي-اق زاڭدى بيزنەستى دامىتۋ ءۇشىن تەڭ جاعداي جاساۋعا باعىتتالعان.