اۋەزوۆ اۋدانىنداعى 18 عيماراتقا ارحيتەكتۋرالىق جارىقتاندىرۋ ورناتىلىپ، 37 تۇرعىن ءۇيدىڭ قاسبەتى قاراشا ايىنىڭ سوڭىنا دەيىن جوندەلەدى
«2023–2029 جىلدارعا ارنالعان تۇرعىن ۇي-كوممۋنالدىق ينفراقۇرىلىمدى دامىتۋ تۇجىرىمداماسى» اياسىندا الماتى قالاسىنىڭ اۋەزوۆ اۋدانىندا تۇرعىن ءۇي قورى جاڭارتىلىپ جاتىر. وڭىرلىك كوممۋنيكاسيالار قىزمەتىنىڭ الاڭىندا اۋەزوۆ اۋدانىنىڭ اكىمى ابزال ەگەمبەردييەۆ وسىلاي دەدى.
ونىڭ ايتۋىنشا، اۋەزوۆ اۋدانىندا 1917 كوپپاتەرلى تۇرعىن ءۇي بار، ولاردىڭ 797ء-سى 1960–1970 جىلدارى سالىنعان. بيىل قايتارىمدى نەگىزدە 76 ۇيگە جوندەۋ جۇمىستارى جۇرگىزىلە باستادى. ونىڭ ىشىندە 28 ۇيگە جاڭا ليفتتەر (34 بىرلىك) ورناتىلىپ، 48 ۇيدە شاتىر مەن ينجەنەرلىك جەلىلەردى اۋىستىرۋ بويىنشا كۇردەلى جوندەۋ جاسالادى. جالپى ينۆەستيسيا كولەمى – 1،1 ملرد تەڭگە.
سونىمەن قاتار بيىل قاراشا ايىنا دەيىن 37 ءۇيدىڭ قاسبەتى جوندەلىپ، سىرلانادى. 18 عيمارات وسى زامانعى ارحيتەكتۋرالىق جارىقتاندىرۋمەن بەزەندىرىلىپ، اۋداننىڭ ەستەتيكالىق كەلبەتىن ارتتىرا تۇسپەك.