اۋەزوۆ اۋدانىنىڭ الەۋمەتتىك-ەكونوميكالىق دامۋ قارقىنى ورنىقتى. وتكەن جىلى شاعىن جانە ورتا بيزنەس نىسىندارىنىڭ سانى 7 پايىزعا ءوسىپ، 57،1 مىڭنان 61 مىڭعا جەتكەن ەدى. بۇل ءوز كەزەگىندە 9 مىڭنان استام جاڭا جۇمىس ورنىن اشۋعا مۇمكىندىك بەردى. اۋدان ەكونوميكاسىنا 82 ميلليارد تەڭگە ينۆەستيسيا تارتىلدى، بۇل قالالىق جالپى كولەمنىڭ 5،8 پايىزى دەگەن ءسوز. الماتى قالاسى وڭىرلىك كوممۋنيكاسيالار قىزمەتىندە وتكەن بريفينگتە اۋەزوۆ اۋدانىنىڭ اكىمى ابزال ەگەمبەردييەۆ وسىلاي دەپ مالىمدەدى.
اكىمنىڭ ايتۋىنشا، شاعىن جانە ورتا بيزنەس - اۋدان ەكونوميكاسىنىڭ نەگىزگى قوزعاۋشى كۇشى. اۋداندا ءقازىر 12 ءىرى كاسىپورىن جۇمىس ىستەيدى. بيىلعى جىلدىڭ باسىنان بەرى ولار 83 ميلليارد تەڭگەنىڭ ءونىمىن وندىرگەن. جىل سوڭىنا دەيىن بۇل كورسەتكىشتى 100 ميلليارد تەڭگەگە دەيىن جەتكىزبەك ويدا.
- باسقا سالادا دا وسىنداي ءوسىم بار. بولشەك ساۋدا كولەمى وتكەن جىلمەن سالىستىرعاندا 30 پايىزعا ارتىپ، 798 ميلليارد تەڭگەگە جەتتى (وتكەن جىلى – 612،7 ميلليارد تەڭگە بولاتىن). قۇرىلىس سالاسى 46 پايىزعا ءوسىپ، تابىس 62 ميلليارد تەڭگەنى قۇرادى.
- سالىق پەن بيۋدجەتكە تولەنەتىن باسقا دا تولەمدەردىڭ ءتۇسىمى جوسپاردان اسىپ، جوسپارداعى 265 ميلليارد تەڭگەنىڭ ورنىنا 284 ميلليارد تەڭگەگە جەتتى. ءوسۋ قارقىنى – 125 پايىز.
وسىنىڭ ارقاسىندا اۋەزوۆ اۋدانى الماتىداعى قارقىندى دامىپ كەلە جاتقان اۋداننىڭ ءبىرى بولىپ، قالا ەكونوميكاسىنا ەلەۋلى ۇلەس قوسىپ وتىر.