بوران مەن كوكتايعاق سالدارىنان استانادان شىعاتىن جولدار جابىلىپ، رەسپۋبليكالىق ماڭىزى بار ءبىرقاتار اۆتوجول ۋچاسكەلەرىندە جۇك كولىكتەرى مەن قوعامدىق كولىك قوزعالىسىنا شەكتەۋ قويىلدى، - دەپ حابارلايدى aqshamnews.kz ءتىلشىسى "قازاۆتوجولعا" سىلتەمە جاساپ.
قوزعالىس شەكتەلگەن ۋچاسكەلەر:
اقمولا وبلىسىندا:
- استانا - كوكشەتاۋ - پەتروپاۆل اۆتوجولىنىڭ 18-232 شاقىرىم ارالىعى (استانادان ششۋچينسكىگە دەيىن)؛
- استانا - شىدەرتى - پاۆلودار - ۋسپەنكا - رف شەكاراسى اۆتوجولىنىڭ 16-200 شاقىرىم ارالىعى (استانادان پاۆلودار وبلىسىنىڭ شەكاراسىنا دەيىن).
پاۆلودار وبلىسىندا:
- استانا - شىدەرتى - پاۆلودار - ۋسپەنكا - رف شەكاراسى اۆتوجولىنىڭ 200-254 شاقىرىم ارالىعى (اقمولا وبلىسىنىڭ شەكاراسىنان شىدەرتى كەنتىنە دەيىن).
جول شامامەن 25 جەلتوقساندا ساعات 09:00 اشىلادى.