اۋەزوۆ اۋدانى الداعى قىسقى ماۋسىمعا تولىقتاي دايار. وڭىرلىك كوممۋنيكاسيالار قىزمەتىنىڭ الاڭىندا جۋرناليستەردىڭ سۇراقتارىنا جاۋاپ بەرگەن كەزدە، اۋدان اكىمى ابزال ەگەمبەردييەۆ وسىلاي دەپ حابارلادى.
ونىڭ ايتۋىنشا، اۋدان اۋماعىنىڭ سانيتارلىق جاعدايىن شامامەن 20 مەردىگەر ۇيىم قامتاماسىز ەتەدى. ولار ءۇش نەگىزگى باعىتتا جۇمىس ىستەيدى:
– كوشە-جول جەلىسىن كۇتىپ ۇستاۋ،
– جاسىل ايماقتاردى كۇتىپ ۇستاۋ،
– اۋلا اۋماقتارىن تازالاۋ.
قىسقى كەزەڭدە قار تازالاۋ مەن كوكتايعاقتىڭ الدىن الۋ جۇمىسىنا 161 ارناۋلى تەحنيكا مەن 775 جول جۇمىسشىسى تارتىلادى. جولدار مەن تروتۋارلاردى دەر كەزىندە وڭدەۋ ءۇشىن 8 مىڭ توننا تۇز بەن 15 مىڭ توننا قۇم-ۇنتاق ازىرلەنگەن.
«بارلىق مەردىگەر ۇيىم قار مەن كوكتايعاق كەزىندە جەدەل جۇمىس ىستەۋگە دايىن وتىر. اۋدان تۇرعىندارىنىڭ قاۋىپسىزدىگى مەن جايلىلىعىن قامتاماسىز ەتۋ ءۇشىن كوشەلەردى، الەۋمەتتىك نىساندار مەن تۇرعىن ۇيلەردىڭ كىرەبەرىسىن ۋاقىتىلى تازالاۋعا قاتتى كوڭىل بولەمىز»»، - دەيدى اۋدان اكىمى.
سونىمەن قاتار، ول قىس بويى جولداردىڭ جاعدايىنا تاۋلىك بويى باقىلاۋ جۇرگىزىلەتىنىن جانە كۇن رايى ناشارلاعان جاعدايدا كوممۋنالدىق قىزمەتتەردىڭ جەدەل ارەكەت ەتەتىنىن ايتتى.
دايىندالعان قور مەن كوممۋنالدىق قىزمەتتەردىڭ ۇيلەسىمدى جۇمىس ىستەۋىنىڭ ارقاسىندا اۋەزوۆ اۋدانى قىستى ەش قيىندىقسىز وتكىزۋدى جوسپارلاپ وتىر.