بۇل تۋرالى بۇگىن اۋدان حالقىمەن كەزدەسۋگە كەلگەن قالا اكىمى ايتتى.
بۇل ۋچاسكەلەردە سۋ قۇبىرى مەن كاناليزاسيا جەلىلەرى 1960-1970ء-شى جىلدارى سالىنعان جانە 90%-ى توزعان، دەپ حابارلايدى Almaty-akshamy.kz
ساپالى سۋمەن قامتۋ جانە سۋ بۇرۋمەن قامتاماسىز ەتۋ اكىمدىك جۇمىسىنىڭ باسىم باعىتى بولىپ قالا بەرەدى.
اۋەزوۆ اۋدانىندا سۋمەن قامتۋ جانە سۋ بۇرۋ جەلىلەرىن مودەرنيزاسيالاۋدى قاجەت ەتەتىن ەڭ پروبلەمالى 4 ۋچاسكە بار: بۇل «دوستىق شاعىن اۋدانى»، «ۆوسحود»، «سادوۆود»، «ۆەتەران» بۇرىنعى 3 باۋ-باقشا سەرىكتەستىگى، «مامىر-4» شاعىن اۋدانى، سونداي-اق الماس، اتامەكەن جانە قۋانىش شاعىن اۋداندارىنىڭ اۋماقتارىندا.
انىقتاما ءۇشىن: جالپى ۇزىندىعى 83،7 كم (سۋمەن قامتۋ – 27،5 كم، سۋ بۇرۋ – 56،2 كم).
«مامىر-4» شاعىن اۋدانىنداعى سۋمەن قامتۋ جانە سۋ بۇرۋ جەلىلەرىن رەكونسترۋكسيالاۋ ءۇشىن مەملەكەتتىك ساراپتامانىڭ وڭ قورىتىندىسى بار. قۇرىلىس-مونتاجداۋ جۇمىستارىنىڭ باستالۋى –
2024 جىلدىڭ IIء-شى توقسانى، اياقتالۋى - IV توقسان.
بۇگىندە سايىن جانە ۇلىقبەك كوشەلەرىنىڭ بويىنداعى ۋچاسكەلەردە جالپى ۇزىندىعى 1،6 كم سۋ قۇبىرى جەلىلەرىن رەكونسترۋكسيالاۋ ءجۇرىپ جاتىر. قازىرگى تاڭدا ۇزىندىعى 1 كم ۋچاسكەدەگى جۇمىستار اياقتالدى. قالعان 600 م، ونىڭ ىشىندە جەتىسۋ-2 شاعىن اۋدانى وسى جىلدىڭ قازان ايىنىڭ سوڭىنا دەيىن اياقتالادى.