بۇل تۋرالى الماتى قالاسىنىڭ اكىمى ە.دوسايەۆتىڭ اۋەزوۆ اۋدانىنىڭ تۇرعىندارىمەن كەزدەسۋىندە ايتىلدى، دەپ حابارلايدى اlmaty-akshamy.kz.
بەينەمونيتورينگ جۇيەلەرىنىڭ جەلىسىن كەڭەيتۋ ءۇشىن 2022 جىلى ادامدار كوپ جينالاتىن ورىنداردا (136 ۋچاسكە) 359 بەينەباقىلاۋ كامەراسى، ونىڭ ىشىندە كوپ پاتەرلى تۇرعىن ۇيلەردىڭ اۋلالارىندا 273 كامەرا، مەكتەپتەر مەن كوللەدجدەردىڭ جانىندا 42، كوشە قيىلىستارىندا 26، الاڭدار مەن مەشىتتەردە 12، سونداي-اق پاركتەر مەن سكۆەرلەردە 6 كامەرا ورناتىلدى. بارلىق كامەرالار پوليسيا دەپارتامەنتىنىڭ جەدەل باسقارۋ ورتالىعىنا قوسىلعان.
2023 جىلى I توقساننىڭ سوڭىنا دەيىن 700-دەي جاڭا كامەرا ورناتىلاتىن مەكەنجايلاردىڭ ءتىزىمى دايىندالادى. كولىك جۇرگىزۋ ءتارتىبىن جاقسارتۋ ءۇشىن بۇگىندە 65 «سەرگەك» اپپاراتتىق-باعدارلامالىق كەشەنى (526 كامەرا) جۇمىس ىستەيدى. بۇدان باسقا 2023 جىلدىڭ I توقسانىندا كوشەلەرگە قوسىمشا 84 «سەرگەك» ورناتۋ جوسپارلانىپ وتىر.