الماتىدا دەنساۋلىق ساقتاۋ ينفراقۇرىلىمى بەلسەندى دامىپ كەلەدى. وڭىرلىك كوممۋنيكاسيالار قىزمەتىنىڭ الاڭىندا الماتى قالاسى اۋەزوۆ اۋدانىنىڭ اكىمى ابزال ەگەمبەردييەۆ حابارلاعانداي، اۋداندا تۇرعىندارعا مەديسينالىق قىزمەتتەردىڭ قولجەتىمدىلىگى مەن ساپاسىن ارتتىرۋعا باعىتتالعان ءبىرقاتار جوبالار ساتىمەن ىسكە اسىپ جاتىر.
بۇگىنگى تاڭدا اۋدان اۋماعىندا 11 مەملەكەتتىك مەديسينالىق ۇيىم جۇمىس ىستەيدى – 5 قالالىق ەمحانا، 6 ستاسيونار، سونداي-اق 38 جەكە مەديسينالىق مەكەمە بار، ونىڭ ىشىندە 7ء-ى مەملەكەتتىك تاپسىرىس اياسىندا قىزمەت كورسەتەدى. جالپى اۋداننىڭ ەمحانالارىنا 363 مىڭ تۇرعىن تىركەلگەن.
بيىل ءبىرقاتار ماڭىزدى ءىس-شارالار جۇزەگە استى. اقپاندا جەتىسۋ-3 شاعىناۋدانىندا ەرەكشە قاجەتتىلىگى بار بالالارعا ارنالعان «پاراسات» وڭالتۋ ورتالىعى اشىلدى. جالپى اۋدانى 1 760 شارشى مەتر بولاتىن جاڭا عيمارات زامان تالابىنا ساي جابدىقتارمەن قامتىلعان.
ءساۋىر ايىندا تاۋگۇل-3 شاعىناۋدانىنداعى №18 ەمحانانىڭ بولىمشەسىندە جاسالعان كۇردەلى جوندەۋ جۇمىستارى اياقتالدى.
سونىمەن قاتار، №16 قالالىق ەمحانانى سەيسميكالىق تۇرعىدان نىعايتۋ مەن كۇردەلى جوندەۋ جۇمىستارى جۇرگىزىلىپ جاتىر، ونى 2026 جىلدىڭ ناۋرىز ايىندا اياقتاپ قالادى.
جاقىن ارادا №15 ەمحانانى قايتا جاڭارتۋ مەن قۋانىش شاعىناۋدانىندا اۋىسىمىنا 300 ادام قابىلدايتىن جاڭا ەمحانانىڭ قۇرىلىسى جوباسىن ازىرلەۋ جوسپارلانعان (مەملەكەتتىك ساراپتاما – 2026 جىلدىڭ مامىرى).
بۇدان بولەك، وسى جىلدىڭ قاراشا ايىندا №2 قالالىق بالالار كلينيكالىق اۋرۋحاناسىنىڭ اۋماعىندا جاڭا كورپۋستىڭ قۇرىلىسى باستالادى. ەسكى عيمارات بۇزىلىپ، ونىڭ ورنىنا جالپى اۋدانى 11،7 مىڭ شارشى مەتر بولاتىن، 67 توسەكتىك جەرتولەسى بار جاڭا ءۇش قاباتتى كورپۋس سالىنباق.
«اۋداندا مەديسينانى دامىتۋ – باستى باسىمدىقتىڭ ءبىرى. ءار تۇرعىن ءۇيىنىڭ جانىنان ساپالى مەديسينالىق كومەك الا الۋى ءۇشىن جۇمىس ىستەپ جاتىرمىز»، - دەدى ابزال ەگەمبەردييەۆ.
جۇزەگە اسىپ جاتقان جوبالاردىڭ ارقاسىندا الداعى جىلدارى اۋەزوۆ اۋدانىنىڭ تۇرعىندارى دەنساۋلىق ساقتاۋ سالاسىنداعى ىستەلگەن وسى جۇمىستاردىڭ يگىلىگىن كورە باستايدى.