اۋەزوۆ اۋدانىندا 35 مىڭعا جۋىق بۇتا ەگىلىپ، «حالىق قاتىساتىن بيۋدجەت» باعدارلاماسى اياسىندا ونداعان اۋلا جاڭارتىلماق.
وڭىرلىك كوممۋنيكاسيالار قىزمەتىندە وتكەن باسپا ءسوز كونفەرەنسياسىندا اۋەزوۆ اۋدانىنىڭ اكىمى ابزال ەگەمبەردييەۆ وسىلاي دەدى. ونىڭ ايتۋىنشا، اۋداندا ءتورت قوعامدىق كەڭىستىكتى اباتتاندىرۋ جۇمىسى اياقتالىپ قالعان.
– اقساي-4 شاعىناۋدانىنداعى الاڭقاي،
– 12-شاعىناۋدانداعى الاڭقاي،
– مامىر-3 پەن جەتىسۋ-3 شاعىناۋدانىنداعى جاياۋ جۇرگىنشىلەر ايماعى.
بۇل اۋماقتاردا جاڭادان بالالار مەن سپورت الاڭدارى، دەمالىس ايماقتارى، تىنىعاتىن ورىندار مەن جارىقتاندىرۋ جۇيەسى ورناتىلىپ جاتىر.
«سايران شاعىناۋدانىن اباتتاندىرۋ جوباسىنا ەرەكشە نازار اۋدارىلعان. مۇندا «قاسبەتتەن قاسبەتكە دەيىن» قاعيداتى بويىنشا 44 تۇرعىن ءۇي مەن اۋلانىڭ ىشكى جولدارىن قوسا العاندا، بۇكىل اۋماق جاڭارتىلماق. ءقازىر جۇمىستىڭ 95%-ى ءبىتتى»، - دەيدى اۋدان اكىمى ابزال ەگەمبەردييەۆ.
اكىمنىڭ ايتۋىنشا، 2026 جىلدىڭ ەكىنشى توقسانىندا جۇبانوۆ كوشەسىن اباتتاندىرۋ جۇمىسى دا اياقتالماق. جوبا اياسىندا دەمالىس جانە سپورت ايماقتارى، بالالاردىڭ ويىن الاڭى، بەينە كامەرالار، شامدار مەن قوقىس جاشىكتەرى ورناتىلىپ، جاياۋ جانە اۆتوتۇراق ايماقتارى رەتكە كەلتىرىلەدى.
«حالىق قاتىساتىن بيۋدجەت» بويىنشا بيىل 30 جوبا جۇزەگە اسادى. ونىڭ 22ء-سى – قوعامدىق كەڭىستىكتى، 8ء-ى – اۋلا اۋماعىن اباتتاندىرۋعا باعىتتالعان.
اۋلالاردىڭ جاعدايىن جاقسارتۋ ماقساتىندا قاراشا ايىنىڭ سوڭىنا دەيىن 23 اۋلادا كۇردەلى جوندەۋ جۇمىسى اياقتالادى. سونىمەن قاتار، 97 اۋلادا اعىمداعى جوندەۋ جۇرگىزىلدى.
بۇدان بولەك، قاراشا ايىنىڭ سوڭىنا دەيىن ماگيسترالدى كوشەلەر بويىنا 35 مىڭنان استام بۇتا (دەرەن، ۇرمەشوپ، راۋشان رۋگوزا مەن ءبورىقاراقات) جانە 400-گە جۋىق ۇلكەن اعاش ەگۋ جوسپارلانىپ وتىر. نەگىزىنەن سايىن كوشەسىنىڭ بويى كوگالدانادى.
اۋدان اۋماعىندا 41 مىڭنان استام جاسىل جەلەك كەسىلىپ، 12 مىڭ اعاش بۇتالىپ، 2،5 مىڭنان استام اعاشتى كەسۋ جۇمىسى جۇرگىزىلدى.