الماتى سەرۆيس جانە تەحنولوگيالار كوللەدجىندە جۇمىسشى ماماندىقتار جىلى اياسىندا ۇيىمداستىرىلعان مەكتەپ وقۋشىلارىنا ارنالعان ءداستۇرلى «ارمانعا جەتكىزەر 10 قادام» شىعارماشىلىق بايقاۋى سالتاناتتى فينالدىق كورسەتىلىممەن اياقتالدى. ون كۇنگە سوزىلعان بۇل جوبا جاسوسپىرىمدەردىڭ كاسىبي باعدارىن ايقىنداپ، ولاردىڭ شىعارماشىلىق مۇمكىندىكتەرىن دامىتۋعا باعىتتالعان ماڭىزدى باستاما رەتىندە جوعارى دەڭگەيدە ءوتتى.
بايقاۋعا بوستاندىق اۋدانىنداعى 19 جالپى ءبىلىم بەرەتىن مەكتەپتىڭ وقۋشىلارى بەلسەنە قاتىستى. اتاپ ايتقاندا، №21، 22، 23، 38، 40، 51، 65، 68، 81، 94، 105، 125، 135، 140، 183، 191، 199، 215، 224 مەكتەپتەرىنەن كەلگەن وقۋشىلار ءوز ءبىلىم وردالارىنىڭ نامىسىن قورعاپ، شىعارماشىلىق باسەكەدە ب ا ق سىنادى. ءاربىر قاتىسۋشى تەك ءوز قابىلەتىن عانا ەمەس، ءوزى ءبىلىم الاتىن مەكتەبىنىڭ بەدەلىن دە لايىقتى دەڭگەيدە كورسەتە ءبىلدى.
فينالدىق كۇنى كوللەدج ساحناسى جاس ديزاينەرلەر مەن ستيليستتەردىڭ ۇلكەن شىعارماشىلىق الاڭىنا اينالدى. قاتىسۋشىلار اۆتورلىق جوبالارىن تۇتاس وبراز رەتىندە ۇسىندى. كيىم ۇلگىلەرىندەگى كرەاتيۆتى شەشىمدەر، تۇستەر ۇيلەسىمى، اكسەسسۋارلار، ماكياج بەن شاش ۇلگىلەرى بىر-بىرىمەن ۇندەسىپ، قاتىسۋشىلاردىڭ ءسان الەمىنە دەگەن كاسىبي كوزقاراسىن ايقىندادى. ساحنادا ءوزىن-وزى ۇستاۋ مادەنيەتى مەن كورەرمەنمەن بايلانىس ورناتۋ دەڭگەيى دە جوعارى باعالاندى.
فينالدىق كورسەتىلىمگە بوستاندىق اۋدانىنداعى بارلىق مەكتەپ ديرەكتورلارى ارنايى قاتىسىپ، شاكىرتتەرىنە قولداۋ كورسەتتى. بۇل – مەكتەپ پەن كوللەدج اراسىنداعى ءوزارا ىنتىماقتاستىقتىڭ، وقۋشىلاردىڭ كاسىبي جولىن بىرلەسە قالىپتاستىرۋعا باعىتتالعان جۇيەلى جۇمىستىڭ ناقتى ناتيجەسى. مەكتەپ باسشىلارى جاس تالانتتاردىڭ شىعارماشىلىق وسۋىنە كۋا بولىپ، مۇنداي جوبالاردىڭ ماڭىزدىلىعىن ەرەكشە اتاپ ءوتتى.
قازىلار القاسى قاتىسۋشىلاردىڭ جۇمىستارىن باعالاۋ بارىسىندا ولاردىڭ شىعارماشىلىق باتىلدىعىن، ءسان يندۋسترياسىنداعى زاماناۋي ۇردىستەردى مەڭگەرۋىن جانە قىسقا مەرزىم ىشىندە ايتارلىقتاي كاسىبي وسكەنىن ەرەكشە اتاپ ءوتتى. فينال قورىتىندىسى بويىنشا قاتىسۋشىلار ءتۇرلى نوميناسيالارمەن ماراپاتتالىپ، بولاشاق مامان رەتىندە وزدەرىنە دەگەن سەنىمىن ارتتىردى.
بايقاۋدىڭ جوعارى دەڭگەيدە وتۋىنە الماتى سەرۆيس جانە تەحنولوگيالار كوللەدجىنىڭ ۇيىمداستىرۋشىلارى، وقىتۋشىلارى مەن شەبەرلەرىنىڭ ەڭبەگى زور. ولار ون كۇن بويى قاتىسۋشىلارعا باعىت-باعدار بەرىپ، كاسىبي كەڭەس ۇسىنىپ، ءاربىر وقۋشىنىڭ شىعارماشىلىق الەۋەتىن اشۋعا جاعداي جاسادى.
«ارمانعا جەتكىزەر 10 قادام» – بۇل جاي عانا بايقاۋ ەمەس، بۇل – جاس ۇرپاقتى ەڭبەككە باۋلىپ، جۇمىسشى ماماندىقتارىنىڭ بەدەلىن ارتتىرۋعا باعىتتالعان ماڭىزدى الەۋمەتتىك جوبا. بايقاۋدىڭ سوڭعى فينالى بوستاندىق اۋدانىنداعى دارىندى وقۋشىلار ءۇشىن ۇلكەن ساحناعا العاشقى قادام بولىپ، ولاردىڭ بولاشاقتا ديزاينەر، ستيليست، تەحنولوگ ماماندىقتارىن سانالى تاڭداۋعا بەرىك نەگىز قالادى.
بايقاۋدىڭ جوعارى دەڭگەيدە ۇيىمداستىرىلىپ، مازمۇندى ءارى ناتيجەلى وتۋىنە ينستيتۋسيونالدىق قولداۋ مەن كاسىبي ادىستەمەلىك جەتەكشىلىك ەرەكشە ءرول اتقاردى. اتاپ ايتقاندا، بوستاندىق اۋدانى ءبىلىم بەرۋ ءبولىمىنىڭ باسشىسى قاسىمبەك ايگۇل جۇمابەك قىزىنىڭ جان-جاقتى قولداۋى بايقاۋدىڭ جۇيەلى تۇردە وتكىزىلۋىنە بەرىك نەگىز قالادى. باسشىنىڭ ءبىلىم بەرۋ مەن كاسىبي باعدار بەرۋ باعىتىنداعى ستراتەگيالىق كوزقاراسى، مەكتەپ وقۋشىلارىنىڭ شىعارماشىلىق الەۋەتىن دامىتۋعا دەگەن جاۋاپتى ۇستانىمى بۇل جوبانىڭ اۋدان كولەمىندە كەڭ اۋقىمدا جۇزەگە اسۋىنا مۇمكىندىك بەردى. ايگۇل جۇمابەك قىزىنىڭ باستامانى قولداپ قانا قويماي، ونىڭ مازمۇندىق ساپاسىنا، تاربيەلىك جانە كاسىبي ماڭىزدىلىعىنا ەرەكشە كوڭىل ءبولۋى بايقاۋدىڭ بەدەلىن ارتتىرا ءتۇستى.
سونىمەن قاتار، بايقاۋدىڭ مازمۇنىن كاسىبي تۇرعىدا بايىتىپ، ونىڭ ادىستەمەلىك دەڭگەيىن جاڭا ساتىعا كوتەرۋدە الماتى قالاسى كوركەم ەڭبەك، سۋرەت، گرافيكا جانە جوبالاۋ پاندەرى مۇعالىمدەرىنىڭ قاۋىمداستىعىنىڭ پرەزيدەنتى جاريمبەتوۆا گۇلسارا قاسىمبەكوۆنانىڭ ادىستەمەلىك جەتەكشىلىگى ايرىقشا مانگە يە بولدى. ونىڭ كوپجىلدىق پەداگوگيكالىق تاجىريبەسى، زاماناۋي ءسان جانە ديزاين باعىتتارىن ءبىلىم بەرۋ ۇدەرىسىنە كىرىكتىرۋدەگى كاسىبي شەبەرلىگى بايقاۋ قاتىسۋشىلارىنىڭ شىعارماشىلىق ويلاۋىن تەرەڭدەتىپ، جوبالىق جۇمىستاردىڭ ساپالى ورىندالۋىنا ىقپال ەتتى. گۇلسارا قاسىمبەكوۆنانىڭ ادىستەمەلىك ۇسىنىمدارى قاتىسۋشىلاردىڭ تەك يدەيا ۇسىنۋمەن شەكتەلمەي، ونى كاسىبي دەڭگەيدە ىسكە اسىرۋىنا جول اشتى.
بۇل ەكى تاراپتىڭ ۇيلەسىمدى ارىپتەستىگى – باسقارۋشىلىق قولداۋ مەن كاسىبي-ادىستەمەلىك جەتەكشىلىكتىڭ ءوزارا ساباقتاستىعى – «ارمانعا جەتكىزەر 10 قادام» بايقاۋىن قاراپايىم شىعارماشىلىق جارىستان جاس مامانداردى قالىپتاستىراتىن جۇيەلى ءبىلىم بەرۋ جوباسىنا اينالدىردى. ناتيجەسىندە بايقاۋ قاتىسۋشىلارى ەڭبەك نارىعىندا سۇرانىسقا يە ديزاينەر، ستيليست، جوبالاۋشى ماماندىقتارىنا العاشقى ناقتى قادام جاساپ، ءوز بولاشاعىن سانالى تۇردە تاڭداۋعا مۇمكىندىك الدى.
وسىنداي اۋقىمدى ءارى مازمۇندى جوبانىڭ جۇزەگە اسۋى بوستاندىق اۋدانىندا شىعارماشىلىق باعىتتاعى ءبىلىم بەرۋدىڭ دامۋ دەڭگەيىن كورسەتىپ قانا قويماي، مەكتەپ، كوللەدج جانە كاسىبي قاۋىمداستىق اراسىنداعى ءتيىمدى ىنتىماقتاستىقتىڭ ۇلگىسىن قالىپتاستىردى. بۇل ءوز كەزەگىندە جاس ۇرپاقتىڭ شىعارماشىلىق الەۋەتىن قولداۋعا باعىتتالعان باستامالاردىڭ الداعى ۋاقىتتا دا جالعاسىن تاباتىنىنا سەنىم ۇيالاتادى.
ون كۇندىك شىعارماشىلىق جول اياقتالعانىمەن، جاس قاتىسۋشىلار ءۇشىن ارمانعا اپارار جول ەندى عانا باستالدى. بۇل بايقاۋ ولاردىڭ ومىرىندەگى العاشقى كاسىبي جەڭىستەر مەن جاڭا مۇمكىندىكتەرگە باستار ماڭىزدى بەلەس بولىپ قالا بەرمەك.