الماتىدا جۇمىسشى ماماندىقتار جىلى سالتاناتتى تۇردە جابۋعا ارنالعان "ALMATY PROF SKILLS: ناتيجەلەرى جانە دامۋ پەرسپەكتيۆالارى" اتتى قالالىق فورۋمى ءوتتى.
ءىس-شارا بارىسىندا مەملەكەت باسشىسىنىڭ تەحنيكالىق جانە كاسىپتىك ءبىلىم بەرۋ جۇيەسىن رەفورمالاۋ بويىنشا تاپسىرمالارىن ورىنداۋ، جۇمىسشى ماماندىقتار جىلىندا قول جەتكىزىلگەن ناتيجەلەر مەن ۇزدىك تاجىريبەلەر بويىنشا قورىتىندى جاسالدى.
الاتاۋ اۋدانىنداعى وقۋشىلاردىڭ يننوۆاسيالىق شىعارماشىلىق ورتالىعىدا قالالىق كوللەدج ستۋدەنتتەرى ارنايى كورمە ۇيىمداستىردى. وندا كوللەدجدەرگە سەرىكتەس كاسىپورىندار مەن تالىمگەرلەر بىرىككەن جۇمىس ناتيجەلەرىن پاش ەتتى.
سونداي-اق، سالتاناتتى ءىس-شارا بارىسىندا تەحنيكالىق جانە كاسىپتىك ءبىلىم بەرۋ جۇيەسىن دامىتۋعا ەلەۋلى ۇلەس قوسقان وقىتۋشىلار مەن ماماندار ماراپاتتالدى. رەسپۋبليكالىق WorldSkills بايقاۋىندا كوماندالىق ءبىرىنشى ورىنعا يە بولعان الماتى كوللەدجدەرىنىڭ ستۋدەنتتەرىنە قارجىلاي سىيلىقتار تابىستالدى.
-بيىل اۋىز تولتىرىپ ايتاتىن جەتىستىكتەرىمىز بار. سونىڭ ىشىندە ەرەكشە الماتىلىق كوماندانىڭ "WorldSkills Kazakhstan" چەمپيوناتىندا جۇلدەلى ءبىرىنشى ورىن الۋىن اتاپ وتۋگە بولادى. الماتى قاشاندا ءبىلىم، بيزنەس، مادەنيەت ورتالىعى بولعان، سولاي بولىپ قالا بەرەدى. الىپ شاھار الماتى كۇردەلى دامۋ ۇستىندە جانە ونىڭ ەكونوميكاسى دا كۇردەلەنە تۇسەدى. سوعان سايكەس، ءبىز قالا سۇرانىسىن قامتاماسىز ەتەتىن ءتيىستى مامانداردى دايىنداي ءبىلۋىمىز كەرەك. وسى باعىتتا كوللەدجدەر جەلىسىنىڭ اتقاراتىن ورنى وراسان زور. پرەزيدەنتىمىز قاسىم-جومارت كەمەل ۇلى جاريالاعان "جۇمىسشى ماماندىقتار جىلى" بۇل جىلمەن توقتاپ قالمايدى. بۇل تەك ۇلكەن ءبىر جولدىڭ تاعى ءبىر بەلەسى، – دەدى الماتى اكىمىنىڭ ورىنباسارى ابزال نۇكەنوۆ.
ايتا كەتكەن ءجون، قازىرگى ۋاقىتتا مەگاپوليستە ەكونوميكانىڭ نەگىزگى سالالارى ءۇشىن ماماندار دايىندايتىن 88 كوللەدج جۇمىس ىستەيدى. ولاردىڭ 22ء-سى مەملەكەتتىك، 66-سى جەكەمەنشىك. پەداگوگتاردىڭ جالپى سانى – 5 626 ادام، ال ستۋدەنتتەر سانى – 86 818 ادامعا جەتەدى. ولاردىڭ جارتىسىنان كوبى (50 428) مەملەكەتتىك گرانت ەسەبىنەن ءبىلىم الادى.
ودان بولەك الماتى كوللەدجدەرىندە دايىندىق 131 ماماندىق بويىنشا جانە 220 بىلىكتىلىك بويىنشا جۇرگىزىلەدى. بۇل باعىتتار قۇرىلىس، كولىك، ەنەرگەتيكا، قىزمەت كورسەتۋ سالاسى، ءبىلىم بەرۋ، دەنساۋلىق ساقتاۋ، ەكونوميكا، بايلانىس جانە IT سياقتى ەڭبەك نارىعىنىڭ قاجەتتىلىكتەرىن ەسكەرە وتىرىپ قالىپتاستىرىلعان. 2025 جىلعى تۇلەكتەردىڭ 94،3%-ى ءساتتى جۇمىسقا ورنالاستى. بولاشاق مامانداردى ەڭبەك نارىعىنىڭ تالاپتارىنا بەيىمدەۋ جانە ءوندىرىستىڭ ناقتى جاعدايلارىندا تاجىريبەلىك داعدىلار قالىپتاستىرۋ ماقساتىندا 770 كاسىپورىنمەن ىنتىماقتاستىق تۋرالى كەلىسىمدەر جاسالعان. 52 كوللەدجدە دۋالدى وقىتۋ ءتۇرى بويىنشا 22 067 ستۋدەنت وقيدى. ياعني تەوريالىق بىلىمنەن بولەك سەرىكتەس كاسىپورىندا جۇمىس ىستەپ، تاجىريبە جيناي الادى.
سونىمەن قاتار، 2025 جىلى 132 وقىتۋشى اقش، جۇڭگو جانە سينگاپۋردا تاعىلىمدامادان ءوتتى. حالىقارالىق ىنتىماقتاستىق – الماتى كاسىپتىك ءبىلىم بەرۋ جۇيەسىن دامىتۋدىڭ ماڭىزدى باعىتى.