الماتىدا ايەل مەن ونىڭ 6 جاستاعى قىزىن اسقان قاتىگەزدىكپەن ۇرىپ ولتىرگەن ايىپتالۋشىعا قاتىستى سوت ۇكىمى شىقتى. بۇعان دەيىن دە قىلمىسى ءۇشىن سوتتالعان ەر ادام بۇل جولى ءومىر بويى باس بوستاندىعىنان ايىرىلدى، - دەپ حابارلايدى aqshamnews.kz ءتىلشىسى Almaty.tv-عا سىلتەمە جاساپ.
سوتتالۋشى مەن مارقۇم اقبوتا ۇسەرباي نەبارى التى اي عانا تانىس بولعان. بيىل 5 قىركۇيەكتە ەكەۋىنىڭ اراسىنداعى جانجال قاندى قىلمىسقا ۇلاسقان. اشۋ ۇستىندە ەر ادام اس ۇيدەگى شويىن قازانمەن ايەلدى بالاسىنىڭ كوزىنشە ءولىمشى ەتىپ ساباپتى. اۋىر جاراقات العان ايەل سول ءتۇنى اۋرۋحانادا كوز جۇمعان. مەديسينالىق ساراپتاما مارقۇمنىڭ اشىق باس-مي جاراقاتىن العانىن، باس سۇيەگىنىڭ بىرنەشە جەردەن سىنعانىن، ميىنا قان قۇيىلعانىن راستادى.
"اقبوتا جانە ەربول قىزى كوركەم اناسى ۇشەۋى اپورتقا بارعان. سودان ۇيىنە دەمالىس ورنىنان قايتىپ كەلگەن جاعدايدا ارتىنان چالتابايەۆ ەرىپ كەلىپ، رەنجىسىپ قالعان. ول گازدىڭ ۇستىندە تۇرعان قازانمەن اقبوتا مەن كوركەمدى سوققىقا جىققان. الىنعان ساۋساق ىزدەرى ەكسپەرتيزا چالتابايەۆقا تيەسىلى ەكەنىن انىقتادى"، – دەدى جابىرلەنۋشى تاراپ اسقار بەيسەمبايەۆ.
قاندىقول مۇنىمەن توقتاماي، مارقۇمنىڭ زەينەتكەر اناسىن دا بىرنەشە رەت ۇرىپ، ەسىنەن تاندىرعان. ايەل جانساقتاۋ بولىمىنە جەتكىزىلىپ، بىرنەشە وتادان كەيىن امان قالدى. سوتتالۋشى مۇنداي قاتىگەزدىكتى كوزبەن كورگەن جالعىز كۋاگەر 6 جاستاعى قىزدى دا سول قازانمەن بىرنەشە رەت ۇرعان. اۋىر جاراقاتتان كوركەم ەس جيماستان بىرنەشە كۇننەن سوڭ كوز جۇمدى.
"ءومىرىمنىڭ ءمانى ەدى ەكەۋى، ەكەۋىنەن ايىرىلىپ، ءقازىر نە ىستەپ، نە قويىپ جۇرگەنىمدى بىلمەيمىن؟ كوركەمدى وتە جاقسى كورەتىن ەدىم. كوركەم سياقتى نەمەرە بولا ما، بولماي ما؟. مەنىڭ قىزىمنىڭ ومىرىندە كەزدەسكەن زۇلىم ادام بولىپ تۇر عوي. بۇل ادامنىڭ قانداي ەكەنىن بىلمەگەن. قولىندا قازانمەن مەنى دە ۇردى. سول كەزدە قىزىمنىڭ جەردە جاتقانىن كوردىم. سوندا نەمەرەم تىعىلىپ تۇرعان ەكەن عوي"، – دەدى مارقۇم ا. ۇسەربايدىڭ اناسى اجار سلاموۆا.
سونىمەن قاتار، ءىس ماتەريالدارىندا تاعى ءبىر قىلمىستىق ەپيزود بار. بالانىڭ شىڭعىرعان داۋىسىن ەستىگەن پاتەر يەسى ەسىكتى قاعىپ، ءمان-جايدى بىلمەك بولعان. الايدا ەر ادام قىلمىسىن جاسىرماق بولىپ، ونى دا تەمىر قازانمەن ماڭداي تۇسىنان ۇرىپ قۇلاتقان. كەيىننەن قانعا بويالعان تەمىر قارۋ مەدەۋ اۋدانىنداعى تۇرعىن ۇيلەردىڭ ءبىرىنىڭ قاقپاسىنىڭ ماڭىندا جاسىرىلعانى انىقتالدى.
"ءبارى جاقسى، بارا بەرىڭىز" دەدى. مەن "كەتپەيمىن، پوليسيا شاقىرامىن" دەدىم بالام كىلتتى اكەلۋگە كەتتى. سول كەزدە قولىنداعى قازاندى كوردىم، ءىشى قان-قان بولاتىن. سوعان تاڭدانىپ قاراپ قالىپپىن، باسىما قاتتى سوققى ءتيىپ، ەسىمنەن تانىپ قالامىن"، – دەدى جابىرلەنۋشى اسەم يساحانوۆا.
سوڭعى سوزىندە سوتتالۋشى وزىنە تاعىلعان ايىپتى جوققا شىعارىپ، قىلمىس جاساماعانىن مالىمدەدى. الايدا ساراپتاما ناتيجەسىندە قانعا بويالعان تەمىر قازاندا چالتابايەۆتىڭ ساۋساق ىزدەرى تابىلعانى دالەل رەتىندە ۇسىنىلدى.
مەملەكەتتىك ايىپتاۋشى بورالحان چالتابايەۆتى اسا قاتىگەزدىكپەن ەكى نەمەسە ودان دا كوپ ادامدى قاساقانا ءولتىرۋ جانە ادام ولتىرۋگە وقتالۋ باپتارىمەن ايىپتادى. سۋديا باقىتجان باكىربايەۆ سوتتالۋشىنى ءومىر بويى باس بوستاندىعىنان ايىرۋ جونىندە ۇكىم كەستى.
"قىلمىستىق كودەكستىڭ 99-بابىنىڭ 3-بولىگى بويىنشا ءومىر بويى باس بوستاندىعىنان ايىرۋ جازاسى تاعايىندالسىن. قىلمىستىق كودەكستىڭ 58-بابىنىڭ 4-بولىگى ەرەجەلەرىنە ساي، قىلمىستىق قۇقىق بۇزۋشىلىقتاردىڭ جيىنتىقتارىندا ونشا قاتاڭ ەمەس جازانى نەعۇرلىم قاتاڭ جازاعا اۋىستىرۋ ارقىلى چالتابايەۆقا ءومىر بويى باس بوستاندىعىنان ايىرۋ جازاسى تاعايىندالسىن"، – دەدى سۋديا باقىتجان باكىربايەۆ.
ايتا كەتەيىك، سوتتالۋشى بۇعان دەيىن دە ادام ولتىرگەنى ءۇشىن 10 جىلعا باس بوستاندىعىنان ايىرىلعان. الايدا ەرتەرەك بوساپ، پروباسيالىق كەزەڭدە اۋىر قىلمىس جاساپ، 2 ادامدى ومىرىنەن ايىردى.