الماتى قالاسىنىڭ اكىمى دارحان ساتىبالدى ازاماتتاردى جەكە ماسەلەسى بويىنشا قابىلداۋ وتكىزدى. قابىلداۋ بارىسىندا قالا تۇرعىندارىنىڭ الەۋمەتتىك-ەكونوميكالىق دامۋعا قاتىستى وزەكتى وتىنىشتەرى قارالدى.
كەزدەسۋ كەزىندە كولىك جانە ينجەنەرلىك ينفراقۇرىلىمدى دامىتۋ، كوركەيتۋ، جەر پايدالانۋ مەن قۇرىلىس، ەكولوگيا، تۇرعىن ۇي-كوممۋنالدىق شارۋاشىلىعى ماسەلەلەرى كوتەرىلدى. سونداي-اق مادەنيەت، سپورت جانە كاسىپكەرلىك سالالارىنداعى باستامالاردى قولداۋ، الەۋمەتتىك نىسانداردى دامىتۋ جانە قالالىق ورتانىڭ ساپاسىن ارتتىرۋ ماسەلەلەرىنە ەرەكشە نازار اۋدارىلدى.
بارلىق ءوتىنىش بويىنشا ءتيىستى باسقارمالار مەن اۋدان اكىمدىكتەرىنە كوتەرىلگەن ماسەلەلەردى جان-جاقتى زەردەلەپ، قولدانىستاعى زاڭناما اياسىندا ناقتى شەشىم قابىلداۋ جونىندە تاپسىرمالار بەرىلدى. جەكەلەگەن جاعدايلاردا ماسەلەلەردى ءوتىنىش يەلەرىمەن بىرلەسىپ، سول جەردە پىسىقتاۋ ءۇشىن ءتيىستى مامانداردىڭ شىعۋىن ۇيىمداستىرۋ تاپسىرىلدى.