اۋەزوۆ اۋدانىندا بۇرىن جارىق جەلىلەرى مەن تىرەكتەرى مۇلدەم بولماعان 81 اۋماقتا سىرتقى جارىقتاندىرۋ جۇيەسىن ورناتۋ بويىنشا اۋقىمدى جوبا اياقتالدى. بۇل تۋرالى وڭىرلىك كوممۋنيكاسيالار قىزمەتىندەگى بريفينگتە اۋدان اكىمى ابزال ەگەمبەردييەۆ حابارلادى.
اۋدان اكىمدىگىنىڭ مالىمەتىنشە، بۇل جوبانى ىسكە اسىرۋ تۇرعىنداردىڭ قاۋىپسىزدىگىن ارتتىرىپ، جايلى جاعداي جاساۋ ءۇشىن قولعا الىنعان ماڭىزدى قادام بولدى. كوپ جىلدان بەرى قاراڭعى بولىپ كەلگەن اۋلالار مەن كوشەلەرگە العاش رەت جارىق بەرىلىپ، اۋداننىڭ كەشكى ۋاقىتتاعى كەلبەتى ەداۋىر وزگەرگەن.
جۇمىستى مەردىگەر ۇيىم — «RKR Group and Co» ج ش س اتقاردى. بارلىعى قۋات ۇنەمدەيتىن 828 شام ورناتىلدى، ونىڭ 507ء-ى كوشە شامى، 321ء-ى تورشەرلىك شام. جاڭا جەلىنىڭ ۇزىندىعى 15 شاقىرىمنان اسىپ ءتۇستى.
اۋدان اكىمىنىڭ ايتۋىنشا، ءقازىر جۇمىستىڭ كوبى ءبىتىپ، مەردىگەر ۇيىم ۇساق كەمشىلىكتەردى جويىپ، جابدىقتاردىڭ جۇمىس ىستەۋىن تەكسەرىپ جاتىر.
ۇلكەن كوشەلەردىڭ جارىقتاندىرىلۋىنا ەرەكشە نازار اۋدارىلدى، سەبەبى جاياۋ جۇرگىنشىلەر جولىنىڭ كەي بولىكتەرىندە ءالى دە جارىق جەتكىلىكسىزدەۋ بولىپ تۇر. سايىن، اباي، مومىش ۇلى، تولە بي، جاندوسوۆ پەن رايىمبەك داڭعىلى ول. بۇلار تۇگەل جارىقتاندىرىلادى، جۇمىستار قالالىق قوعامدىق كەڭىستىكتەردىدامىتۋ باسقارماسىنىڭ «قاسبەتتەن قاسبەتكە دەيىن» قاعيداتى بويىنشا جۇزەگە اسىراتىن جوبالارى اياسىندا جۇرگىزىلمەك.
«اتالعان كوشەلەردە 203 شامى بار كرونشتەين ورناتىلدى، بۇل جاياۋ جۇرگىنشىلەردىڭ قاۋىپسىزدىگىنقامتاماسىز ەتۋگە مۇمكىندىك بەردى»، - دەدى.
وسى شارۋالاردىڭ ارقاسىندا اۋدان جارىق ءارى ءقاۋىپسىز بولا تۇسكەن.