قازگيدرومەت سينوپتيكتەرى 25، 26 جانە 27 جەلتوقسان كۇندەرىنە ارنالعان اۋا رايى بولجامىن ۇسىندى، - دەپ حابارلايدى aqshamnews.kz ءتىلشىسى.
الداعى كۇندەرى قازاقستان اۋماعىنان بەلسەندى سولتۇستىك-باتىس سيكلونى وتەدى. ونىڭ اسەرىنەن وڭتۇستىك وڭىرلەردە قار مەن جاڭبىر تۇرىندەگى جاۋىن-شاشىن بولادى. 26 جەلتوقساندا ەلدىڭ وڭتۇستىگى مەن وڭتۇستىك-شىعىسىندا كۇشتى جاۋىن-شاشىن كۇتىلەدى.
"رەسپۋبليكا بويىنشا بوران سوعىپ، جەل كۇشەيەدى، باتىس جانە وڭتۇستىك وڭىرلەردە كوكتايعاق قۇبىلىستارى بايقالادى"، – دەپ حابارلادى سينوپتيكتەر.
27 جەلتوقساندا سيكلوننىڭ ورنىن سۋىق باتىس انتيسيكلونى باسادى. سونىڭ سالدارىنان جاۋىن-شاشىن بىرتىندەپ توقتاپ، اۋا تەمپەراتۋراسى تومەندەيدى: تۇندە ەلدىڭ سولتۇستىك-باتىسى مەن سولتۇستىگىندە اۋا تەمپەراتۋراسى 25–30 گرادۋس ايازعا دەيىن، شىعىسىندا 22–30 گرادۋس ايازعا دەيىن تومەندەيدى.