جاڭا بۇيرىقتىڭ جوباسى "اشىق نقا" پورتالىندا جاريالاندى.
وعان سايكەس، اۋەجايلاردا شەكارالىق باقىلاۋدان ءوتۋ ءتارتىبى جولاۋشىلار ءۇشىن ىڭعايلى بولا تۇسپەك، دەپ حابارلايدى aqshamnews.kz
كولىك مينيسترلىگى اۋەجايلاردا جولاۋشىلارعا قىزمەت كورسەتۋدى ۇيىمداستىرۋ قاعيدالارىن بەكىتۋ تۋرالى بۇيرىققا وزگەرىس ەنگىزدى. ءتيىستى راسىمدەر جەڭىل ءارى جىلدام جۇرگىزىلۋى شارت. اتاپ ايتقاندا:
شەكارا قىزمەتىمەن كەلىسىلگەن ۇشۋ/قونۋ كەزىندە جولاۋشىلاردىڭ راسىمدەردى ءوتۋ ۋاقىتىن رەتتەيتىن ستاندارتتىڭ بولۋى؛
باقىلاۋدان وتۋگە دەيىن جولاۋشىلار ءۇشىن راسىمدەردى ءوتۋ تالاپتارى تۋرالى قولجەتىمدى اقپاراتتىڭ بولۋى؛
پاسپورتتىق تەكسەرۋ كەزىندە جولاۋشىلارعا قىزمەت كورسەتۋدىڭ جىلدامدىعىن شەكارا قىزمەتىمەن كەلىسۋ؛
جىلىنا 1 ميلليوننان استام جولاۋشى اعىنى بار اۋەجايلاردا پاسپورتتىق باقىلاۋدىڭ اۆتوماتتاندىرىلعان جۇيەسىنىڭ بولۋى شارت.
سونىمەن قاتار، قۇجاتقا سايكەس، شەكارالىق باقىلاۋ قىزمەتكەرلەرى ادەپتىلىك ساقتاۋى ماڭىزدى:
جولاۋشىلار اعىنى جانە ايماقتىڭ وتكىزۋ قابىلەتىن جەدەل ۇلعايتۋ مۇمكىندىگىنە قاراي شەكارالىق باقىلاۋ قىزمەتى پەرسونالىنىڭ تاۋلىكتىك جۇمىس كەستەسىنىڭ بولۋى جانە اۋەجايمەن كەلىسۋى؛
قىزمەتكەردىڭ سىرتقى كەلبەتىنە قويىلاتىن تالاپتار ستاندارتىنىڭ جانە ورىندالۋىنا باقىلاۋدىڭ بولۋى شارت.