ابىروي بولعاندا، جولاۋشى ايەلدىڭ زاتىن ۇمىتىپ كەتكەن سومكەسىن پوليسيا قىزمەتكەرلەرى بايقاپ قالعان.
كولىكتەگى پوليسيا دەپارتامەنتىنىڭ حابارلاۋىنشا، وقيعا 7 اقپاندا بولعان. ايەل كۇتۋ زالىندا 4 مىڭ دوللار سالىنعان سومكەسىن ۇمىتىپ كەتكەن، دەپ حابارلايدى Almaty-akshamy.kz
تۇركىستان قالاسىنىڭ اۋەجايىنداعى جەلىلىك پوليسيا بولىمشەسىنىڭ باستىعى نۇرالى نۇرجىگىت پەن پاترۋلدىك پوليسيا قىزمەتكەرى قايرات قوشان قىزمەتتىك مىندەتىن اتقارۋ كەزىندە جولاۋشىنىڭ قالىپ قالعان زاتىن بايقاعان. ولار سومكەنىڭ يەسىمەن تەز ارادا بايلانىس ورناتىپ، ايەلگە قاراجاتىن قايتارىپ بەرگەن.
«ايەل تۇركىستان اۋەجايىنىڭ دەپارتامەنت باسشىلىعىنا جانە جەلىلىك پوليسيا بولىمشەسىنىڭ قىزمەتكەرلەرىنە العىس ايتىپ، ولاردىڭ بايقاعىشتىعى مەن جاۋاپكەرشىلىگىن اتاپ ءوتتى»، – دەلىنگەن حابارلامادا.