اۋە بيلەتىنىڭ باعاسى قىمباتتايدى

دەمالۋشىلار اۋە جولىنىڭ قۇنى كوتەرىلەتىنىنە دايىن بولۋى كەرەك.

جانارماي باعاسى كوتەرىلگەن سايىن اۋە بيلەتىنىڭ دە باعاسى كوتەرىلىپ، شىعىن تۇتىنۋشىلارعا جۇكتەلەدى، دەپ حابارلايدى Almaty-akshamy.kz BBC News-كە سىلتەمە جاساپ.

حالىقارالىق اۋە كولىگى قاۋىمداستىعىنىڭ (IATA) باس ديرەكتورى ۆيللي ۋولش BBC Sunday Morning-كە «ۇشۋ تۇتىنۋشىلار ءۇشىن قىمباتقا تۇسەتىنى ءسوزسىز، مۇنايدىڭ جوعارى باعاسى بيلەت باعاسىنىڭ قىمباتتاۋىنا اكەلەدى» دەدى.

جانارماي باعاسى بۇرىن-سوڭدى بولماعان جوعارى دەڭگەيگە كوتەرىلىپ، اۆياكومپانيالاردىڭ ەڭ ۇلكەن شىعىن ەلەمەنتىنە اينالدى. مۇنايدىڭ جوعارى باعاسى اقىرى تۇتىنۋشىلارعا بيلەت باعاسىنىڭ قىمباتتاۋى تۇرىندە بەرىلەتىنى ءسوزسىز.

دەمالۋشىلار اۋە جولىنىڭ قۇنى كوتەرىلەتىنىنە دايىن بولۋى كەرەك. مۇناي باعاسى كوروناۆيرۋس پاندەمياسىنان قالپىنا كەلە باستاعان ەلدەردە سۇرانىستىڭ ارتۋىنا بايلانىستى وسۋدە.

سونىمەن قاتار، اقش-تىڭ جانە ۇلىبريتانيا مەن ەو ەلدەرىنىڭ رەسەيلىك مۇناي يمپورتىن كەزەڭ-كەزەڭىمەن توقتاتۋ جوسپارلارى باسقا وندىرۋشىلەردەن مۇنايعا سۇرانىستىڭ ارتقانىن بىلدىرەدى، بۇل ءوز كەزەگىندە باعانىڭ وسۋىنە اكەلدى.