اۋداننىڭ ەسكىرگەن ينجەنەرلىك ينفراقۇرىلىمىن جاڭارتۋ قاجەت

قۇرىلىستى 2023 جىلدىڭ ناۋرىز ايىندا باستاۋ كوزدەلگەن. 

بۇل ماسەلەلەر مەگاپوليس باسشىسى ەربولات دوسايەۆتىڭ اۋەزوۆ اۋدانىنداعى حالىقپەن كەزدەسۋىندە  ايتىلدى، دەپ حابارلايدى Almaty-akshamy.kz

«سىزدەردى اۋەزوۆ اۋدانىنداعى ءبىرىنشى كەزدەسۋىمىزدە  كورگەنىمە قۋانىشتىمىن! قازىرگى ۋاقىتتا ءبىرقاتار ەڭ پروبلەمالىق ۋچاسكەلەر بويىنشا تەز ارادا شەشىم قابىلداۋ كەرەك. ماسەلەن، وسى جىلدىڭ قىركۇيەك ايىندا «دوستىق» شاعىن اۋدانىندا (22 كوشەدە سۋ بۇرۋ) جانە «ارىچنايا، ىقىلاس، زاپادنايا» كوشەلەرىندە سۋمەن جابدىقتاۋ جانە سۋ بۇرۋ جەلىلەرىن سالۋ ءۇشىن 2 جوبانىڭ جوبالاۋ-سمەتالىق قۇجاتتاماسىن ازىرلەۋ جوسپارلانعان»، -دەپ اتاپ ءوتتى مەگاپوليس باسشىسى.

انىقتاما ءۇشىن: پروبلەمالىق ۋچاسكەلەر ءتىزىمى:

- «دوستىق» شاعىن اۋدانىندا - 22 كوشەدە كاناليزاسيا جۇيەسى جوق؛

- «ساين-شالياپين-جاندوسوۆ كوشەلەرى - قارعالى وزەنى» شارشىسىنا كىرەتىن ۇيلەردى سۋمەن جابدىقتاۋ جەلىسىنە قوسۋ بويىنشا؛

- «مامىر-4» شاعىن اۋدانىندا جانە «ارىچنايا، ىقىلاس، زاپادنايا» كوشەلەرىندە سۋمەن جابدىقتاۋ جانە سۋ بۇرۋ جەلىلەرى توزعان.

«قازىرگى ۋاقىتتا «ساين-شالياپين-جاندوسوۆ كوشەلەرى – قارعالى وزەنى» شارشىسىندا جانە «مامىر-4» شاعىن اۋدانىندا پايدالانىلاتىن ۋاقىتشا سۋمەن جابدىقتاۋ جەلىسى بويىنشا دەرەۋ شەشىم قابىلداۋ قاجەت. مەنىڭ تاپسىرمام بويىنشا وسى سۋمەن جابدىقتاۋ جانە سۋ بۇرۋ جەلىسىنە ارنالعان 2 جوبانىڭ جوبالاۋ-سمەتالىق قۇجاتتاماسىن ازىرلەۋگە كونكۋرس جاريالاندى. ولار وسى جىلدىڭ 30 مامىرىندا اياقتالادى. قۇجاتتاما ازىرلەنىپ، مەملەكەتتىك ساراپتامادان وتكەننەن كەيىن 2023 جىلى ءبىز قۇرىلىس-مونتاجداۋ جۇمىستارىن باستاۋدى كوزدەپ وتىرمىز»، -دەدى قالا باسشىسى.