اۋدانداعى باۋ-باقشا قوعامدارىنىڭ سۋ قۇبىرى مەن كاناليزاسيا جەلىلەرى اۋىستىرىلادى

2023 جىلى قۇرىلىسقا 200 ملن. تەڭگە قاراستىرىلعان.

«دوستىق» شاعىن اۋدانىندا كاناليزاسيا قۇرىلىسى الدىمەن قىركۇيەك ايىنىڭ سوڭىندا رابات كوشەسىندە باستالىپ (ۇزىندىعى – 590 م.)، بيىلعى قازان ايىنىڭ سوڭىنا دەيىن اياقتالادى، دەپ حابارلايدى Almaty-akshamy.kz

شاعىن اۋداننىڭ قالعان كوشەلەرىندە جۇمىستار 2024 جىلدىڭ IIء-شى توقسانىندا باستالىپ، IVء-شى توقسانىندا اياقتالادى (2023 جىلى قۇرىلىسقا 200 ملن. تەڭگە قاراستىرىلعان. جوبانىڭ جالپى قۇنى - 1 067،8 ملن. تگ).

بۇرىنعى «ۆوسحود»، «سادوۆود»، «ۆەتەران» باۋ-باقشا قوعامدارىنىڭ 8 كوشەسىندە سۋ قۇبىرى مەن كاناليزاسيا جەلىلەرىن اۋىستىرۋ جۇمىستارى دا وسى قىركۇيەك ايىنىڭ سوڭىندا باستالادى. جازىلبەك، ۆينوگرادنايا، مالينوۆايا كوشەلەرىندە (ۇزىندىعى – 1016 م.) جۇمىستار وسى جىلدىڭ قازان ايىنىڭ سوڭىنا دەيىن اياقتالادى. قالعان 5 كوشەدەگى جۇمىستار كەلەسى جىلدىڭ IIء-شى توقسانىندا جۇرگىزىلەدى (2023 جىلى 489،4 ملن. تەڭگە قاراستىرىلعان، شارتتارعا سايكەس جوبانىڭ قۇنى 506،4 ملن. تەڭگە).

الماس، اتامەكەن جانە قۋانىش شاعىن اۋداندارى بويىنشا ينجەنەرلىك جەلىلەردى مودەرنيزاسيالاۋدىڭ جوبالاۋ-سمەتالىق قۇجاتتاماسىن ازىرلەۋدى وسى جىلدىڭ جەلتوقسان ايىندا اياقتاۋ جوسپارلانۋدا (سۋمەن قامتۋ – 20 كم، كاناليزاسيا – 22 كم). 2024 جىلدىڭ IIء-شى توقسانىندا جۇمىستاردى باستاۋدى جوسپارلاپ وتىرمىز.