بۇگىن ۇكىمەت وتىرىسىندا ق ر پرەمەر-مينيسترى ءاليحان سمايىلوۆ جۇمىس ورىندارىن ەسەپكە الۋ جۇيەسىن ەنگىزۋ بويىنشا ۇسىنىستار ازىرلەۋدى تاپسىردى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
ءاليحان سمايىلوۆ مەملەكەت باسشىسىنىڭ تاپسىرماسى بويىنشا جىل سايىن ءاربىر 10 مىڭ تۇرعىنعا كەمىندە 100 جۇمىس ورنىن قۇرۋ اكىمدەردىڭ مىندەتى بولىپ بەلگىلەنگەندىگىن اتاپ ءوتتى.
«ۇلتتىق ەكونوميكا مينيسترلىگى ەسەپ كوميتەتىمەن جانە ستراتەگيالىق جوسپارلاۋ اگەنتتىگىمەن بىرلەسىپ، ەكى اپتا ىشىندە ۇكىمەتكە وسىنداي جۇمىس ورىندارىن ەسەپكە الۋ جۇيەسىن ەنگىزۋ بويىنشا ۇسىنىستار ەنگىزسىن»، - دەدى پرەمەر-مينيستر.
ەستەرىڭىزگە سالا كەتسەك، وتكەن اپتادا بولعان ۇكىمەتتىڭ كەڭەيتىلگەن وتىرىسىندا ق ر پرەزيدەنتى قاسىم-جومارت توقايەۆ اۋدان اكىمدەرىنە جىل سايىن ءاربىر 10 مىڭ تۇرعىن ءۇشىن كەمىندە 100 جۇمىس ورنىن اشۋدى مىندەتتەگەن ءجون ەكەنىن ايتقان بولاتىن.