اتىراۋدا تۋ تەرىس ىلىنگەن. تۇرعىندار مەملەكەتتىك رامىزدەرگە قۇرمەتسىزدىك تانىتقاندارعا نارازىلىق ءبىلدىردى، - دەپ حابارلايدى اqshamnews.kz Azh.kz سايتىنا سىلتەمە جاساپ.
كۋاگەرلەردىڭ ايتۋىنشا، تۋ بۇل كۇيدە بىرنەشە ساعات بويى ءىلىنىپ تۇرعان.
قالا مەن وبلىستىڭ سيمۆولى سانالاتىن فلاگشتوك قالا اكىمدىگىنىڭ بالانسىندا. الايدا تۇرعىندار ونىڭ جاي-كۇيىن ەشكىم دۇرىس قاداعالامايتىنىن ايتادى. الەۋمەتتىك جەلىلەردەگى قىزۋ تالقىلاۋدان سوڭ تۋ الىندى. دەگەنمەن قولدانۋشىلار بۇل نەمقۇرايلىققا جول بەرگەندەردى انىقتاپ، جاۋاپقا تارتۋدى تالاپ ەتتى.
"بۇل جاي عانا شۇبەرەك ەمەس - بۇل ەلدىڭ سيمۆولى. مۇنداي جايتقا بەيجاي قاراۋعا بولمايدى"، - دەپ جازادى تۇرعىندار.
اتىراۋ اكىمدىگى جاعدايعا پىكىر ءبىلدىردى.
"17 قازاندا تۋدى كوتەرۋ بارىسىندا مەردىگەر ۇيىم قىزمەتكەرلەرى تەحنيكالىق قاتەلىك جىبەرگەن، تۋ تەرىس ءىلىنىپ كەتكەن. بۇزۋشىلىق جەدەل انىقتالىپ، تۋ تالاپتارعا سايكەس ورناتىلدى. بۇل قۇقىقبۇزۋشىلىق دەرەگى بويىنشا مەردىگەر ۇيىمنىڭ قىزمەتكەرى قازاقستان رەسپۋبليكاسىنىڭ اكىمشىلىك قۇقىقبۇزۋشىلىق تۋرالى كودەكسىنىڭ 458-بابى ("قازاقستان رەسپۋبليكاسىنىڭ مەملەكەتتىك رامىزدەرىن پايدالانۋ قاعيدالارىن بۇزۋ") بويىنشا اكىمشىلىك جاۋاپكەرشىلىككە تارتىلدى"، - دەلىنگەن حابارلامادا.
بۇل باپقا سايكەس، مەملەكەتتىك رامىزدەردى پايدالانۋ قاعيدالارىن بۇزعانى ءۇشىن 50 ايلىق ەسەپتىك كورسەتكىش مولشەرىندە - 184 600 تەڭگە (جەكە تۇلعالار ءۇشىن) ايىپپۇل كوزدەلگەن. ءدال وسىنداي جازا مەردىگەر ۇيىم قىزمەتكەرىنە قولدانىلدى.