كىسى قولىنان قازا بولعان ەرلى-زايىپتىلار جانگەلديندە جەرلەندى. جانازاعا اۋىل تۇرعىندارى تۇگەل كەلگەن، دەپ حابارلايدى Aqshamnews.kz.
مارقۇمداردىڭ مايىتتەرى اۋدان ورتالىعىنان الدىن-الا جەتكىزىلگەن. تاڭەرتەڭ ەرلى-زايىپتىلار جەرگىلىكتى زيراتتا جەرلەندى.
«ءۇي پلومبالانعان، سوندىقتان دەنەلەردى تۋىستاردىڭ ۇيىنەن شىعارىپ اكەلدى. ءقازىر بارىمىزگە وتە اۋىر. ءبىزدىڭ اۋىلدا مۇنداي تراگەديا بۇرىن بولعان ەمەس»، — دەيدى اۋىل تۇرعىندارى.
«جاقىندارى وزدەرى جەرلەۋ ءراسىمىن ۇيىمداستىرۋعا نيەت ءبىلدىردى. بۇل بۇكىل اۋىل ءۇشىن ورتاق قايعى»، — دەپ قوستى اۋىل اكىمى قانات عايسا.
وتباسى — ەرلى-زايىپتىلار مەن ولاردىڭ ۇلكەن ۇلى مەن قىزى — بىرنەشە اي بۇرىن جوعالعان. تۋىسى ۋايىمداپ، جەلتوقسان سوڭىندا پوليسياعا حابارلاعان.
تەرگەۋشىلەر ءۇيدى بىرنەشە رەت تەكسەرگەنىمەن ناتيجە بولماعان. كەيىنىرەك شارۋاشىلىق عيماراتىنداعى ديۆان استىنان، شامامەن ءبىر جارىم مەتر تەرەڭدىكتە تابىلعان. مارقۇمداردىڭ قازا تاپقان ۋاقىتىن ءقازىر تەرگەۋ انىقتاپ جاتىر.