الماتىلىق پرانك جاساۋشى جىگىت 15 تاۋلىككە قاماۋعا الىندى
الماتى قالاسىنىڭ اكىمشىلىك قۇقىقبۇزۋشىلىقتار جونىندەگى مامانداندىرىلعان اۋدانارالىق سوتىندا ك. ەسىمدى ازاماتقا قاتىستى ۇساق بۇزاقىلىق بويىنشا ءىس قارالدى، دەپ حابارلايدى اlmaty-akshamy.kz.
سوت بارىسىندا انىقتالعانى، الماتىلىق تۇرعىن الەۋمەتتىك جەلىدە پرانكەر رەتىندە ءوزىنىڭ كورەرمەندەرىن كوبەيتۋ ماقساتىندا «ماگنۋم» ساۋدا دۇكەنىندە ۆيدەو تۇسىرگەن. وندا پرانكەر بەلىنە دەيىن كيىمىن شەشىپ تاستاپ، جالپىعا ورتاق ەتيكانى ساقتاماي «بۋراتينو» ءىش!» دەپ ايقايلاعان. وسى ارەكەتىمەن ول اينالاسىنداعىلاردى سىيلامايتىندىعىن ءبىلدىرىپ، قوعامدىق ءتارتىپ پەن جەكە تۇلعالاردىڭ تىنىشتىعىن بۇزعان.
«سوت ماجىلىسىندە ك. ەسىمدى ازامات ءوزىنىڭ اكىمشىلىك قۇقىقبۇزۋشىلىق جاساعانىن تولىق مويىنداپ، ىس-ارەكەتىنە وكىنەتىنىن جەتكىزدى. سوت قاۋلىسىمەن كىنالى ازاماتتى 15 تاۋلىك مەرزىمگە قاماۋعا الۋ تۇرىندەگى اكىمشىلىك شاراسى تاعايىندالدى. قاۋلى زاڭدى كۇشىنە ەنگەن جوق»، - دەلىنەدى سوتتىڭ حابارلاماسىندا.