ادامنىڭ ءاتى-جونى، تەگى نەمەسە اكەسىنىڭ اتى كوڭىلىنەن شىقپايتىن جاعدايلار كەزدەسىپ جاتادى. ول ءوز اتىن باسقاسىنا وزگەرتە الا ما؟ ول ءۇشىن قايدا بارۋ كەرەك؟ بۇل تۋرالى الماتى قالاسى ادىلەت دەپارتامەنتىنىڭ وكىلدەرى وڭىرلىك كوممۋنيكاسيالار قىزمەتىنىڭ بريفينگىندە ايتتى، دەپ حابارلايدى Almaty-akshamy.kz.
الماتى قالاسى ادىلەت دەپارتامەنتىنىڭ باسشىسىنىڭ ورىنباسارى زاۋرەش ساتحوجينا «نەكە (ەرلى-زايىپتىلىق) جانە وتباسى تۋرالى» ق ر كودەكسىنە وزگەرىستەر مەن تولىقتىرۋلار ەنگىزىلۋىنە بايلانىستى تۋۋ، جاساسۋ نەمەسە نەكەنى بۇزۋ تۋرالى ءتيىستى اكتىلىك جازبالاردا اتىن، اكەسىنىڭ اتىن، تەگىن اۋىستىرۋعا بايلانىستى وزگەرتۋگە جاتاتىن مالىمەتتەر تۋرالى حابارلادى، ءاتى-جونىن وزگەرتۋ تۋرالى قورىتىندى نەگىزىندە ەنگىزىلەدى.
بۇل رەتتە، بۇرىنعىداي ءاتى-جونىن وزگەرتۋ تۋرالى اكت جازباسى تىركەلمەيدى جانە اتىن، اكەسىنىڭ اتىن، تەگىن وزگەرتۋ تۋرالى كۋالىك بەرىلمەيدى.
«تىركەۋشى ورگاندار اتىن، اكەسىنىڭ اتىن، تەگىن اۋىستىرعانىن راستاۋ ءۇشىن تۋۋ، نەكەنى قيۋ جانە بۇزۋ تۋرالى ءتيىستى كۋالىك بەرەدى»، – دەدى سپيكەر.
اتىن، اكەسىنىڭ اتىن، تەگىن اۋىستىرۋ تۋرالى ءوتىنىشتى قاراۋدى قازاقستان رەسپۋبليكاسىنىڭ نەكە-وتباسى زاڭناماسىنا سايكەس قازاقستاننىڭ تىركەۋشى ورگانى، شەت ەلدەردەگى مەكەمەسى جۇرگىزەدى.
ءوتىنىشتى 16 جاستان اسقان ازاماتتار بەرەدى، بۇل جاسقا تولماعاندار ءۇشىن اتا-اناسىنىڭ قاتىسۋى تالاپ ەتىلەدى.
«اتىن، اكەسىنىڭ اتىن، تەگىن اۋىستىرۋدى تىركەۋشى ورگاندار ون التى جاسقا تولعان، اتىن جانە(نەمەسە) اكەسىنىڭ اتىن جانە(نەمەسە) تەگىن اۋىستىرعىسى كەلەتىن ادامنىڭ جەكە ءوتىنىشى بويىنشا جۇرگىزەدى»، - دەپ ناقتىلادى ول.
اتىن، اكەسىنىڭ اتىن، تەگىن وزگەرتۋ نە تۇزەتۋ ءۇشىن قازاقستان رەسپۋبليكاسىنىڭ اۋماعىنداعى كەز كەلگەن تىركەۋشى ورگانعا (احات) وتىنىشپەن جۇگىنۋ قاجەت، سونداي-اق «ازاماتتارعا ارنالعان ۇكىمەت» مەملەكەتتىك كورپوراسياسى كەاق-نە ءوتىنىشتى «ەلەكتروندىق ۇكىمەت»پورتالى ارقىلى ەلەكتروندىق نىساندا جىبەرۋگە بولادى.
اتى، اكەسىنىڭ اتى، تەگى وزگەرگەننەن كەيىن ءبىر اي ىشىندە جەكە كۋالىك پەن پاسپورتتى وزگەرتۋ قاجەت.
تەگى، اتى، اكەسىنىڭ اتى قانداي نەگىزدەر بويىنشا وزگەرتىلۋى مۇمكىن؟
- اتى، اكەسىنىڭ اتى، تەگى جاعىمسىز ەستىلگەن جاعدايدا؛
- اتىن، اكەسىنىڭ اتىن، تەگىن ايتۋدىڭ قيىندىعى؛
- ەگەر نەكەنى (ەرلى-زايىپتىلىقتى) مەملەكەتتىك تىركەۋ كەزىندە نەكەگە دەيىنگى تەگىندە قالسا، جۇبايىنىڭ (زايىبىنىڭ) جۇبايىمەن (زايىبىمەن) ورتاق تەكتەس بولۋ تىلەگى؛
- ەگەر نەكەنى (ەرلى-زايىپتىلىقتى) بۇزۋ كەزىندە بۇل تۋرالى مالىمدەلمەسە، نەكەگە دەيىنگى تەگىن الىپ جۇرۋگە نيەت ءبىلدىرۋ؛
- الدىڭعى نەكەدەن (ەرلى-زايىپتىلىقتان) بالالارمەن ورتاق تەكتى العىسى كەلسە؛
- جۇبايى قايتىس بولعان جاعدايدا نەكەگە دەيىنگى فاميليانى ال،ىسى كەلگەن جاعدايدا؛
- جۇبايى قايتىس بولعان جاعدايدا جانە ەگەر ءوتىنىش بەرۋشى نەكەگە دەيىنگى فاميليادا بولسا، بالالارمەن ورتاق فاميليا العىسى كەلسە؛
- اتا-اناسىنىڭ بىرەۋىنىڭ (اتا-اناسىنىڭ ءار ءتۇرلى ۇلتى كەزىندە) ءوتىنىش بەرۋشى تاڭداعان ۇلتىنا سايكەس كەلەتىن اتىن جانە (نەمەسە) تەگىن الىپ جۇرۋگە تىلەك ءبىلدىرۋ؛
- ومىردە ءىس جۇزىندە قالىپتاسقان، قۇجاتتارداعى اتاۋىنان وزگەشە ەسىمدى العىسى كەلسە؛
- ەگەر نەكەگە تۇرۋ (ەرلى-زايىپتىلىق) كەزىندە جۇبايىنىڭ تەگى قابىلدانسا، نەكەگە دەيىنگى تەگىن الۋعا نيەت؛
- ۇلتتىق ءداستۇر بويىنشا اكەسىنىڭ نەمەسە اتاسىنىڭ ەسىمىمەن تەگىن وزگەرتكىسى كەلسە؛
- ءوتىنىش بەرۋشىنى ءىس جۇزىندە تاربيەلەگەن ادامنىڭ تەگى جانە اتى بويىنشا تەگىن جانە (نەمەسە) اكەسىنىڭ اتىن الىپ جۇرۋگە تىلەك ءبىلدىرۋ؛
- جىنىسى حيرۋرگيالىق وزگەرگەن كەزدە تاڭدالعان جىنىسقا سايكەس كەلەتىن ەسىمدى، اكەسىنىڭ اتىن، تەگىن العىسى كەلگەن جاعدايدا.
وسىلايشا، تەگىن، اتىن، اكەسىنىڭ اتىن وزگەرتۋ ءۇشىن ولاردىڭ يەسىنىڭ قالاۋى جەتكىلىكسىز. ول ءۇشىن جوعارىدا اتالعان دالەلدى سەبەپتەردىڭ بىرەۋىنىڭ بولۋى قاجەت.