قازاقستاننىڭ ەڭبەك سىڭىرگەن ونەر قايراتكەرى، «دوس-مۇقاسان» ءانسامبلىنىڭ كوركەمدىك جەتەكشىسى جانە نەگىزىن قالاۋشى، كومپوزيتور مۇرات قۇسايىنوۆ قازاقستاندا اتوم ەلەكتر ستانسياسىن (اەس) سالۋ ماسەلەسى بويىنشا رەفەرەندۋمعا قاتىستى، دەپ حابارلايدى aqshamnews.kz.
ول الماتىداعى ورتالىق ستاديون اۋماعىندا ورنالاسقان № 262 سايلاۋ ۋچاسكەسىنە كەلدى.
«بۇگىن ءبىزدىڭ مەملەكەتىمىز ءۇشىن ايتۋلى كۇن. ەل بىرلىگى ءبىزدىڭ قولىمىزدا. مەن رەفەرەندۋمعا كەلىپ، ەلدىڭ مۇددەلەرى مەن ازاماتتاردىڭ ءال-اۋقاتىن باسشىلىققا الا وتىرىپ، ءوز تاڭداۋىمدى جاسادىم. بۇل ءبىزدىڭ ەلىمىزدىڭ جانە ءبىزدىڭ ۇرپاعىمىزدىڭ بولاشاعى ءۇشىن ۇلكەن شەشۋشى ءسات»، - دەپ اتاپ ءوتتى تانىمال كومپوزيتور.
ەستەرىڭىزگە سالا كەتەيىك، بۇگىن قازاقستان اۋماعىندا اەس سالۋ ماسەلەسى بويىنشا رەسپۋبليكالىق رەفەرەندۋم وتۋدە. الماتى اكىمى ەربولات دوسايەۆ جۇبايىمەن بىرگە №48 مەكتەپ-ليسەيدەگى №388 سايلاۋ ۋچاسكەسىنە العاشقىلاردىڭ ءبىرى بولىپ كەلىپ، داۋىس بەرۋگە قاتىستى. الماتىلىقتار تۇرعىلىقتى جەرى بويىنشا سايلاۋ ۋچاسكەلەرىنە بارىپ، ساعات 20.00-گە دەيىن ءوز داۋىستارىن بەرە الادى.