ايماقتىق جانە قالالىق حالىقتىق شتاب مۇشەلەرى "Small" ساۋدا ۇيىندە جانە "Q-med" كلينيكاسىندا ەكسپرومت-كەزدەسۋلەر وتكىزدى. بۇل كەزدەسۋلەردە اتوم ەنەرگەتيكاسىنىڭ الەمدەگى قازىرگى جاعدايى جانە ونىڭ ەلىمىز ءۇشىن ماڭىزى تالقىلاندى.
الەمدىك تاجىريبە: ەۋروپا، رەسەي، اقش، جۇڭگو ەلدەرى اتوم ستانسيالارىن سالۋعا بەلسەندى كىرىسىپ، كەلەشەكتەگى ەنەرگيا تاپشىلىعىن بولدىرماۋعا كۇش سالۋدا. اتوم ەنەرگەتيكاسى ارقىلى الىناتىن ەنەرگيانىڭ قۇنى تۇراقتى وتىن باعاسىنا بايلانىستى باسەكەگە قابىلەتتى بولىپ قالادى، ال ستانسيانىڭ قىزمەت ەتۋ مەرزىمى 60-80 جىلعا دەيىن ۇزارتىلادى.
ەكولوگيالىق قاۋىپسىزدىك: 2060 جىلعا قاراي كومىردى پايدالانۋدى توقتاتۋ ماسەلەسى كۇن تارتىبىندە. بۇل رەتتە، اتوم ەنەرگياسى اۋاعا زياندى قالدىقتار شىعارمايتىن تازا ەنەرگيا كوزى بولىپ تابىلادى. كوپ جىلعى تاجىريبە اتوم ستانسيالارىنىڭ ادامعا جانە تابيعاتقا زيانسىز ەكەنىن دالەلدەپ وتىر. جىلۋ ەلەكتر ستانسيالارى ايماعىنداعى ساۋلەلەنۋ دوزالارى اتوم ستانسياسى ماڭىنداعى ۇقساس دوزادان 5-10 ەسە ارتىق ەكەنى دە انىقتالعان.
ەنەرگيا تاپشىلىعى جانە اتوم ەنەرگەتيكاسى: شتاب مۇشەسى پىرمۇحامەد سىزدىقوۆتىڭ ايتۋىنشا، قازىرگى تاڭدا ەنەرگيا تاپشىلىعى سالدارىنان ءبىز كورشى ەلدەرگە تاۋەلدىمىز. اتوم ستانسياسى سالىنسا دا، ءوز قاجەتتىلىگىمىزدىڭ تەك 12%-ىن عانا قامتي الادى. سوندىقتان، رەاكتورلار سانىن ارتتىرىپ، بەيبىت ۋراندى بايىتۋ ارقىلى ءبىز بۇل ماسەلەنى شەشە الامىز.
باسقا ەنەرگيا كوزدەرىمەن سالىستىرۋ: كۇن مەن جەل ەنەرگياسى دا دامىتىلۋدا، ءبىراق ولاردىڭ تۇراقسىزدىعى اتوم ەنەرگەتيكاسىنا قاجەتتىلىكتى ارتتىرىپ وتىر. اتوم ەنەرگياسى — تۇراقتى ءارى سەنىمدى ەنەرگيا كوزى. ونىڭ ءوندىرىسى حالىقارالىق "ماگاتە" ۇيىمىنىڭ قاتاڭ باقىلاۋىندا بولادى.
ەنەرگەتيكالىق تاۋەلسىزدىككە قادام: قازاقستاننىڭ ەنەرگەتيكالىق بولاشاعىن قامتاماسىز ەتۋ ءۇشىن اتوم ەنەرگەتيكاسى — ەڭ ءتيىمدى شەشىمدەردىڭ ءبىرى.