بولاشاقتا بالالارىمىز بەن نەمەرەلەرىمىز سۋ مەن جارىقتان قينالماۋى كەرەك، دەپ حابارلايدى aqshamnews.kz.
«مازكانىڭ» بۇرىنعى قىزمەتكەرى، اقتاۋداعى پلاستماسسا زاۋىتىنىڭ قۇرىلىسىنا قاتىسقان قازاقستانداعى اتوم ەلەكتر ستانسياسىنىڭ قۇرىلىسى تۋرالى پىكىرىمەن ءبولىستى.
اسىلان بولاتوۆ 42 جىلدان بەرى اقتاۋدا تۇراتىنىن ايتادى. ول تەك پلاستماسسا زاۋىتىندا عانا ەمەس، بن-350 رەاكتور قوندىرعىسىنىڭ قۇرىلىسىنا بەلسەندى قاتىسقان تاجىريبەلى مامان.
- بن- 350 اتوم رەاكتورىنىڭ ۇزدىكسىز جۇمىسىنىڭ ناتيجەسىندە جارىق پەن سۋدان تارشىلىق كورمەدىك. ءقازىر رەاكتوردى ىستەن شىعارۋ جۇمىستارى جۇزەگە اسىرىلۋدا.بۇگىندە قالا حالقى ءۇشىن سۋمەن جانە ەلەكتر قۋاتىمەن جابدىقتاۋ ماسەلەسى كۇن وتكەن سايىن وتكىرلەنىپ بارادى. قالا اۋماعىن كوگالداندىرۋ، جاسىل جەلەكتى ۋاقىتىلى سۋعارۋ جۇمىسىندا دا قيىندىقتار كەزىگەدى، - دەيدى اسىلان بولاتوۆ.
ول اتوم ستانسيالارىن سالۋ وتە ماڭىزدى دەپ سانايدى.
- بىر-ەكى ەمەس، بىرنەشە اەس سالۋ قاجەت دەگەن پىكىردەمىن. سوندا عانا سۋمەن جابدىقتاۋ جۇيەسى بىرىزدەندىرىلەدى. اتوم ەلەكتر ستانسيالارىن رەسەيلىك مامانداردىڭ قاتىسۋىمەن سالعان ءجون. قاي تاراپتان قاراساق تا ءتيىمدى. قۇرال-جابدىقتى الىس شەتەلدەن اربالاۋدىڭ قاجەتى جوق. مەن بولاشاق ۇرپاق ءۇشىن ەلەكتر ستانسياسىن سالۋدى قولدايمىن. بالالارىمىز بەن نەمەرەلەرىمىز سۋ مەن جارىق ماسەلەلەرىن بىلمەي ءومىر سۇرسە ەكەن دەيمىن. وركەنيەتتىڭ وسى يگىلىكتەرى ءاردايىم قولجەتىمدى بولسا، تاريفتەر قۇنى دا كوتەرىلمەس ەدى، - دەيدى اسىلان بولاتوۆ.