شۆەيساريالىق تەننيسشى رودجەر فەدەرەر ۇلكەن سپورتپەن قوش ايتىستى، دەپ حابارلايدى Almaty-akshamy.kz Inform.kz-كە سىلتەمە جاساپ.
ۇلىبريتانيا استاناسى – لوندون قالاسىندا لەيۆەر كۋبوگى كورمەلىك تۋرنيرىندە ول ءوزىنىڭ سپورتتىق مانسابىنداعى سوڭعى كەزدەسۋىن وتكىزدى. اتالعان سايىستا يسپانيالىق رافاەل نادال ەكەۋى جۇپتىق سىندا امەريكالىق فرەنسيسۋ تيافو جانە دجەكۋ سوكۋعا قارسى وينادى. ولار قارسىلاستارىنا ەسە جىبەرىپ، كەزدەسۋدى جەڭىلىسپەن اياقتادى.
رودجەر فەدەرەر 1981 جىلدىڭ 8 تامىزىندا دۇنيەگە كەلگەن. سپورتتىق مانسابىندا ءتۇرلى جارىستا 103 مارتە توپ جاردى. ونىڭ ىشىندە «ۇلكەن دۋلىعا» تۋرنيرىندە 20 دۇركىن چەمپيون اتاندى.
سونداي-اق، 2008 جىلى بەيجىڭ وليمپياداسىندا جۇپتىق سىندا وتانداسى ستانيسلاس ۆاۆرينكا ەكەۋى التىننان «القا» تاقتى.
ال، 2012 جىلى لوندون وليمپياداسىندا جەكەلەي سىندا كۇمىس مەدال الدى.