وتاندىق دزيۋدوشىلاردىڭ شەبەرلىگىن شىڭداۋ جانە تاجىريبە الماسۋ ماقساتىندا تەددي رينەر قازاقستانعا كەلدى.
اتاقتى فرانسيالىق دزيۋدوشى، ءۇش مارتە وليمپيادا، 11 دۇركىن الەم جانە 5 رەت ەۋروپا چەمپيونى اتانعان تەددي رينەر قازاقستاندا جاتتىعىپ جاتىر، دەپ حابارلايدى Almaty-akshamy.kz قازاقپاراتقا سىلتەمە جاساپ.
قازاقستان دزيۋدو فەدەراسياسىنىڭ باسپا ءسوز قىزمەتىنەن ءمالىم ەتكەنىندەي، ەلىمىزدىڭ ەرلەر جانە ايەلدەر ۇلتتىق قۇرامالارى جاڭا ماۋسىمعا دايىندىقتى باستادى.
جىلدىڭ العاشقى وقۋ-جاتتىعۋ جيىندارىن قوس قۇراما الماتى قالاسى جانە الماتى وبلىسىندا وتكىزۋدە. بۇل فرانسيا دزيۋدو فەدەراسياسىمەن بىرلەسكەن وقۋ-جاتتىعۋ جيىنى بولىپ سانالادى.
وتاندىق دزيۋدوشىلاردىڭ شەبەرلىگىن شىڭداۋ جانە تاجىريبە الماسۋ ماقساتىندا تەددي رينەر قازاقستانعا كەلدى.
الماتى قالاسىنداعى دزيۋدو اكادەمياسىندا اۋىر سالماقتاعى تاتامي شەبەرلەرى جاتتىعۋدا. ال الماتى وبلىسىنداعى «جاڭاشار» وليمپيادالىق دايارلاۋ ورتالىعىندا قالعان سالماقتاعى 100-گە جۋىق سپورتشى شەبەرلىگىن شىڭداۋدا.
وقۋ-جاتتىعۋ جيىنىنا 2022 جىلعى ەل چەمپيوناتىنىڭ قورىتىندىسى بويىنشا جاساقتالعان قۇراما دزيۋدوشىلارى شاقىرتۋ العان.
اتالعان جيىن قازاقستان ەرلەر جانە ايەلدەر قۇراماسىنىڭ باس باپكەرلەرى نۇربول سۇلەيمەنوۆ پەن ەرلان الپىسبايەۆ، سونداي-اق فرانسيالىق جاتتىقتىرۋشى-كەڭەسشىلەر كساۆە موندەنكس پەن ستەفان تراينونىڭ جەتەكشىلىگىمەن وتۋدە.
وقۋ-جاتتىعۋ جيىنى 22 قاڭتارعا دەيىن جالعاسادى.
ەسكە سالا كەتەيىك، بۇدان بۇرىن الەمدىك Masters تۋرنيرىنە قازاقستان اتىنان 12 دزيۋدوشىنىڭ قاتىساتىنىن جازعان بولاتىنبىز.