بالا قۇقىقتارى جونىندەگى ۋاكىل دينارا زاكييەۆا مەملەكەت وتباسىنان تارتىپ العان بالانى كەيىن اتا-اناسىنا قايتارۋ مۇمكىندىگىنە قاتىستى پىكىر ءبىلدىردى، دەپ حابارلايدى Almaty-akshamy.kz.
«قولدانىستاعى زاڭناماعا سايكەس بىزدە اتا-انا قۇقىعىن شەكتەۋ نەمەسە ايىرۋ نەگىزدەرى بەلگىلەنگەن. بۇل شەشىمدى تەك سوت شىعارادى. جالپى، اتا-انا قۇقىعىنان ايىرۋ نەمەسە شەكتەۋ تۇرعىسىندا كامەلەتكە تولماعانداردىڭ ىستەرى جونىندەگى كوميسسيادان كەلىپ تۇسكەن ماتەريالداردىڭ 17-20 پايىزىن سوت قاناعاتتاندىراتىنىن ايتا كەتەيىن»، - دەدى د. زاكييەۆا.
بۇل رەتتە ول وتباسىنا جاعدايدى تۇزەتۋگە ۇنەمى مۇمكىندىك بەرىلەتىنىن ايتتى.
«ولار بالانىڭ قاۋىپسىزدىگىنە ءقاۋىپ توندىرەتىن جاعدايدى تۇزەتۋى ءتيىس بەلگىلى ءبىر كەزەڭ بار»، - دەپ ناقتىلادى بالا قۇقىقتارى جونىندەگى ۋاكىل.