ۇيىمداستىرۋشىلار شەت ەلدەردەن كەلگەن اسىقشىلارعا قازاقتىڭ ۇلتتىق ويىنىنا دەگەن قىزىعۋشىلاقتارى ءۇشىن ريزاشىلىق ءبىلدىردى، دەپ حابارلايدى almaty-akshamy.kz.
بۇگىن استانا قالاسىنداعى «اسپان» سپورت كەشەنىندە اسىق اتۋ سپورتىنان گران-پري «ازيا اسىعى» حالىقارالىق ءتۋرنيرى باستالدى. ەلىمىزدىڭ تاۋەلسىزدىك كۇنىنە ارنالعان ءدۇبىرلى دودادا پاكىستان، ءۇندىستان، جۇڭگو، موڭعوليا، وزبەكستان، قىرعىزستان جانە قازاقستان قۇرامالارى ءوزارا ب ا ق سىناسادى. جارىس جەكەلەي سىندا وتەتىن بولعاندىقتان ناعىز ۇزدىكتەر باس قوسىپ، ەرلەر مەن ايەلدەر اراسىندا كىم مىقتىنى انىقتايدى
ءداستۇرلى ءتۋرنيردى ۇلتتىق سپورت تۇرلەرى قاۋىمداستىعىنىڭ باس حاتشىسى تاستانبەك ەسەنتايەۆ ءوزىنىڭ قۇتتىقتاۋ سوزىمەن اشىپ، قاتىسۋشىلارعا ساتتىلىك تىلەدى. سونداي-اق ارداگەر اسىقشى اسەت رامازانوۆ پەن ق ر اسىق اتۋ فەدەراسياسىنىڭ اتقارۋشى ديرەكتورى جومارت سابىرجانوۆ ۇلتتىق سپورتىمىزدىڭ ماڭىزدىلىعى تۋراسىندا ءسوز قوزعاپ، شەت ەلدەردەن كەلگەن اسىقشىلارعا قازاقتىڭ ۇلتتىق ويىنىنا دەگەن قىزىعۋشىلاقتارى ءۇشىن ريزاشىلىق ءبىلدىردى.
تۋرنير ءۇش كۇنگە جالعاسادى. جەڭىمپازدار مەن جۇلدەگەرلەر ق ر اسىق اتۋ فەدەراسياسىنىڭ ديپلوم، مەدالدارىمەن جانە قارجىلاي سىيلىقتارمەن ماراپاتتالادى. اتاپ ايتار بولساق، وزا شاۋىپ، ءبىرىنشى ورىن يەلەنگەندەر 150 مىڭ تەڭگە، ەكىنشى ورىن جەڭىمپازدارى ءۇشىن 100 مىڭ تەڭگە جانە ءۇشىنشى ورىن العان ەكى بىردەي اسىقشىنىڭ ءارقايسىسى 50 مىڭ تەڭگەدەن قارجىلاي ماراپاتقا قول جەتكىزەدى