ق ر ەڭبەك سىڭىرگەن قايراتكەرى، قحا مۇشەسى اسىلى وسمان الماتى قالاسىنداعى №64 سايلاۋ ۋچاسكەسىنە بارىپ، ەلدىڭ تاعدىرىنا ىقپال ەتەر ماڭىزدى شەشىمدى قابىلداۋعا اتسالىستى. ءاربىر سايلاۋداعىداي بۇل جولى دا العاشقىلاردىڭ ءبىرى بولىپ داۋىس بەردى.
«بۇل سايلاۋ ەلدىڭ تاعدىرىن ايقىندايدى. قابانباي بابامىز ايتىپتى: «حان بىرەۋ، قالعاندارىمىز تىرەۋ بولسىن» دەپ. قاراقتارىم، وسى ءسوزدىڭ قۇدىرەتىنە ەشتەڭە جەتپەيدى. سوندىقتان بۇگىن تايلى-تۇياعىمىزبەن ءوز تاڭداۋىمىزدى جاسادىق. ەلدىڭ الدىندا جۇرگەن اعا بۋىن وكىلدەرى وزدەرىنەن كەيىنگىلەرگە ۇلگى-ونەگە كورسەتەتىن شاق كەلدى. سايلاۋدان، كەلەشەكتەن جاقسىلىقتى كۇتەمىن»، - دەدى اسىلى وسمان.
الماتىدا 600 سايلاۋ ۋچاسكەسى جۇمىس ىستەپ جاتىر. ال قالادا 1 ميلليون 176 مىڭنان استام ادام داۋىس بەرۋگە قۇقىعىنا يە. سايلاۋ ۋچاسكەلەرى جەرگىلىكتى ۋاقىت بويىنشا ساعات 7:00-دەن 20:00-گە دەيىن جۇمىس ىستەيدى. تۇرعىلىقتى تىركەۋى جوق الماتىلىقتار ارنايى اشىلعان ۋچاسكەلەرگە بارىپ، تاڭداۋ جاساي الادى