استىق جيناۋ قازاقستاننىڭ بارلىق وڭىرلەرىندە اياقتالۋ ساتىسىندا تۇر

بيىل قازاقستاندىق شارۋالار ەككەن ەگىس كولەمى  24،0 ملن گەكتاردى قۇرادى.

بۇل وتكەن 2022 جىلمەن سالىستىرعاندا 652 مىڭ گەكتارعا ارتىق. ونىڭ – 7،1 ملن. گا ءداندى-داقىلدار، دەپ حابارلايدى Almaty-akshamy.kz اۋىل شارۋاشىلىعى مينيسترلىگىنە سىلتەمە جاساپ. 

21 قاراشاداعى جاعداي بويىنشا استىق جيناۋ قازاقستاننىڭ بارلىق وڭىرلەرىندە اياقتالۋ ساتىسىندا تۇر. وبلىس اكىمدىكتەرىنىڭ دەرەكتەرى بويىنشا ورتاشا ونىمدىلىگى 9،7 س/گا بولاتىن 16،9 ملن گا (99،1%) جينالدى، باستاپقى سالماعىندا 16،5 ملن توننا استىق باستىرىلدى. ونىڭ ىشىندە – 13،5 ملن گەكتاردان 11،5 ملن توننا بيداي الىنعان. ونىمدىلىگى گەكتارىنا 8،5 سەنتنەردەن كەلدى.

سونداي-اق، شارۋالار 2،2 ملن گەكتاردان مايلى داقىلدار جينادى. بۇل وسى داقىلدىڭ جالپى كولەمىنىڭ 78،3% قۇرايدى. ورتاشا ونىمدىلىگى گەكتارىنا 8،5 سەنتنەر بولاتىن 1،8 ملن توننا ماي تۇقىمى جينالدى. ونىڭ 845،7 مىڭ گا (74%) كۇنباعىس، ورتاشا ونىمدىلىگى 11،2 س/گا بولاتىن 943،2 مىڭ توننا باستىرىلدى.

ال، 182،4 مىڭ گەكتار القاپقا ەگىلگەن كارتوپ تولىق جينالىپ ءبىتتى. جالپى كولەمى 3،6 ملن. توننانى قۇرادى. ونىمدىلىگى گەكتارىنا 200،4 سەنتنەر. سونىمەن قتار، 165،3 مىڭ گا الاڭعا ەگىلگەن وزگە دە كوكونىس داقىلدارىنان 4،3 ملن. توننا ءونىم الىندى.  ونىمدىلىگى گەكتارىنا 262،4 سەنتنەردى قۇرايدى.