رەسەي فەدەراسياسىنىڭ استراحان وبلىسىندا قازاقتىڭ كورنەكتى ءانشىسى، كسرو حالىق ءارتىسى، قازاقستاننىڭ حالىق قاھارمانى روزا باعلانوۆانىڭ 100 جىلدىعىنا ارنالعان شىعارماشىلىق كەش ءوتتى، دەپ حابارلايدى اlmaty-akshamy.kz قازاقپارات سىلتەمە جاساپ.
مەرەكەلىك شارا ۆولودار اۋدانىنداعى قۇرمانعازى اتىنداعى وبلىستىق مادەنيەت ورتالىعىندا ءوتتى.
كەش قوناقتارى – ق ر جانە رف پارلامەنتتەرىنىڭ جوعارعى پالاتالارى اراسىنداعى ىنتىماقتاستىق جونىندەگى كوميسسيا وتىرىسىنىڭ قاتىسۋشىلارى، جەرگىلىكتى مەملەكەتتىك ورگاندار مەن قازاق دياسپوراسىنىڭ وكىلدەرى، استراحان وبلىسىنىڭ تۇرعىندارى.
كونسەرت بارىسىندا قۇرمانعازى اتىنداعى ايماقتىق مادەنيەت ورتالىعىنىڭ شىعارماشىلىق ۇجىمى روزا باعلانوۆانىڭ رەپەرتۋارىنان تانىمال شىعارمالاردى ورىندادى.
سونىمەن قاتار قوناقتار كورنەكتى ءانشىنىڭ ءومىرى مەن شىعارماشىلىق قىزمەتىنە قاتىستى قىزىقتى دەرەكتەرمەن تانىسىپ، قازاقتىڭ ۇلتتىق تاعامدارىنان ءدام تاتتى، ۇلتتىق ويىندار مەن حالىق قولونەر بۇيىمدارىن تاماشالادى، بايقاۋلارعا قاتىسىپ، قۇرمانعازى مۇراجايىنىڭ ەكسپوزيسياسىمەن تانىستى.