«انتيكور» تەرگەۋ جالعاسىپ جاتقانىن حابارلادى.
تجد باسقارما باسشىسى ورتالىق ستاديوندى اپاتتىق جاعدايدا دەپ تانۋعا جاردەم كورسەتكەنى ءۇشىن 5 ميلليون تەڭگە پارا العان، دەپ حابارلايدى Almaty-akshamy.kz.
«انتيكوررۋپسيالىق قىزمەت ق.مۇڭايتپاسوۆ اتىنداعى ورتالىق ستاديوندى اپاتتىق جاعدايدا دەپ تانۋعا جاردەم كورسەتكەنى ءۇشىن نۇر-سۇلتان قالاسى بويىنشا توتەنشە جاعدايلار دەپارتامەنتى باسقارما باسشىسىنا قاتىستى كومپانيا ديرەكتورىنان 5 ميلليون تەڭگە سوماسىندا پارا الۋ فاكتىسى بويىنشا تەرگەپ-تەكسەرۋ امالدارىن باستادى»، - دەپ جازىلعان «انتيكور» حابارلاماسىندا.
سونداي-اق، تەرگەۋدىڭ جالعاسىپ جاتقاندىعى، ال وزگە اقپارات تەرگەۋ مۇددەسى ءۇشىن جاريا ەتىلمەيتىندىگى جازىلعان.
كۇدىكتىلەرگە قاتىستى ولاردىڭ كىناسىنىڭ دارەجەسىن انىقتاي وتىرىپ، قورىتىندى شەشىمدى سوت قابىلدايدى.