ەر ادامنىڭ الپينيستىك جابدىعى ءۇزىلىپ كەتكەن
ەلوردادا 35 جاستاعى ەر ادام 7-قاباتتان قۇلاپ كوز جۇمدى، دەپ حابارلايدى Almaty-akshamy.kz.
1 مامىر كۇنى ساعات 17.33-تە «103» قىزمەتىنەن 9 قاباتتى تۇرعىن ءۇي كەشەنىندە تەرەزەلەردى جۋىپ جاتقان ەر ادامنىڭ قۇلاعانى تۋرالى حابار كەلگەن.
«1988 جىلى تۋعان ەر ادامنىڭ الپينيستىك جابدىعى ءۇزىلىپ كەتكەن جانە 7ء-شى قاباتتان قۇلاعان. العان جاراقاتى سالدارىنان ول سول جەردە كوز جۇمدى. جىل سايىن كۇننىڭ جىلىنۋىمەن بالالاردىڭ دا، ەرەسەكتەردىڭ دە تەرەزەدەن قۇلاۋ وقيعالارى جيىلەيدى. كوپ جاعدايدا قايعىلى وقيعالار ەرەسەكتەردىڭ نەمقۇرايلىلىعىنان جانە تەرەزەلەردى جۋۋ كەزىندە قاۋىپسىزدىك تالاپتارىن ساقتاماعاندىقتان بولادى»، - دەپ حابارلادى استانا قالاسىنىڭ توتەنشە جاعدايلار دەپارتامەنتىنىڭ باسپا ءسوز قىزمەتى.
ەلوردادىق توتەنشە جاعدايلار دەپارتامەنتى تەرەزە جۋۋدا قاۋىپسىزدىك ەرەجەسىن ساقتاۋدى ەسكە سالادى.