جاساندى ينتەللەكتىمەن ادام دەنساۋلىعىن جاقسارتۋ.
استانالىق دارىگەرلەر بيوينجەنەريانىڭ سوڭعى جەتىستىكتەرىمەن تانىستى. شەتەلدىك ماماندارمەن بىلىكتىلىك الماسۋ بارىسىندا روبوتتى قولدانۋ ارقىلى كۇردەلى وپەراسيا تۇرلەرى جۇرگىزىلدى، دەپ حابارلايدى اlmaty-akshamy.kz 24.kz-كە سىلتەمە جاساپ.
قازاقستاندا بۋىن اۋرۋلارى ءورشىپ بارادى. ەلدە جىل سايىن 15 مىڭ ادام بۋىن الماستىرۋ وپەراسياسىن قاجەت ەتەدى. ناۋقاسقا شۇعىل ەم-دوم جاساۋدا جاساندى ينتەللەكتىنىڭ كومەگى زور. بۇعان استانالىق دارىگەرلەر كوز جەتكىزدى. اقش-تا جاسالعان روبوت 5 ناۋقاسقا ەندوپروتەزدەۋ بويىنشا وپەراسيانى ءساتتى وتكىزدى. 3D سكانەرلەۋدىڭ ارقاسىندا روبوت يمپلانتتى ءمىنسىز ورناتتى. بۇل ادام اعزاسىندا كەيىن اۋىرسىنۋ مەن اسقىنۋلاردى بولدىرمايدى دەيدى ماماندار.
اسقار بەكنازاروۆ، ۇلتتىق عىلىمي تراۆماتولوگيا جانە ورتوپەديا ورتالىعىنىڭ دارىگەرى: - ءبىز، حيرۋرگتار، وزدەرىمىز جاسايتىن بولساق، بىرنەشە ەتاپتان جاسايمىز. ال روبوت ءبىر ەتاپپەن سول پروتەزدى قويۋعا كومەكتەسەدى. ول دەگەنىمىز، وپەراسيانىڭ ۇزاقتىعى دا قىسقارادى. جانە جاراقات الۋى دا از بولادى ناۋقاستىڭ. ناۋقاستىڭ وتادان كەيىن ساۋىعۋى تەز بولادى.
دارىگەرلەردىڭ ايتۋىنشا، بۋىن اۋرۋلارى الپىستى القىمداعاندار اراسىندا بەلەڭ العان. شىمكەنتتەن كەلگەن زاۋرە بايتەيەۆاعا روبوتتىڭ كومەگىمەن وتا جاسالدى. ءقازىر جاعدايى جاقسى، ءجۇرىپ-تۇرۋىم الدەقايدا جەڭىلدەدى دەيدى.
زاۋرە بايتەيەۆا، شىمكەنت قالاسىنىڭ تۇرعىنى: - ءبىرى كۇنى روبوتپەن وپەراسيا ىستەدى، وتە ءساتتى ءوتتى دەپ ويلايمىن، ەشتەڭە بايقامادىم، سەزبەدىم، ءبارى جاقسى بولدى، ءوزىم كىرىپ شىعا بەرەمىن.
دارىگەرلەر روبوت بولاشاقتا تراۆماتولوگيا سالاسىندا تۇراقتى قولدانىلاتىنىنا سەنىمدى. وپەراسيا زالىندا ول سەنىمدى كومەكشى دەيدى. ال بۇل ءوز كەزەگىندە بۋىن فۋنكسياسىنىڭ بۇزىلۋىنان قيىندىق كورگەن ناۋقاستارعا جەدەل كومەك بەرۋگە ۇلكەن مۇمكىندىك.