استانادا قۇتقارۋشىلار قازا بولعان ارىپتەستەرىن ەسكە الدى

وسىدان 13 جىل بۇرىن استانا گارنيزونىندا ءۇش قىزمەتكەر قازا بولعان ەدى.

ەلوردالىق قۇتقارۋشىلار ءداستۇر بويىنشا قىزمەتتىك بورىشىن اتقارۋ كەزىندە ەرلىكپەن قازا تاپقان ارىپتەستەرىن ەسكە الدى، دەپ حابارلايدى اlmaty-akshamy.kz توتەنشە جاعدايلار مينيسترلىگىنىڭ رەسمي سايتىنا سىلتەمە جاساپ.

17 اقپاندا «قۇتقارۋشىلار» ساياباعىندا ورناتىلعان مەموريالعا گۇل شوقتارى قويىلىپ، قۇتقارۋشىلار قىزمەتتىك بورىشىن اتقارۋ كەزىندە ەرلىكپەن قازا تاپقان ارىپتەستەرىن ءبىر مينۋت ۇنسىزدىكپەن ەسكە الدى.

وسىدان 13 جىل بۇرىن، 2010 جىلدىڭ اقپان ايىندا ەلوردادا بۇرىنعى بومباپانا عيماراتى ورتەنگەن بولاتىن. ءۇش قىزمەتكەر سول ورتتەن ورالمادى. الدىمەن، ءبىر ءورت ءسوندىرۋشى جوعالىپ، ونى ىزدەۋگە كەتكەن 2 قىزمەتكەر دە قايتىپ كەلمەدى.

ۆالەريي ميحايلوۆيچ زايسيەۆ ەلوردادا قيىن جانە اۋىر ورتتەرگە شىققان. سول كۇنى پولكوۆنيكتىڭ وقيعا ورنىن ءجىتى قاراپ، ءمان-جايدى انىقتاۋ جانە ارىپتەسىن قۇتقارۋ ءۇشىن ورتكە ءوزى شىققان بولاتىن.

 https://almaty-akshamy.kz/uploads/images/2023/02/image_750x_63f0b5764422d.jpg

قۇتقارۋشىلار ارىپتەسى اسقار زابيكۋليندى ەسكە الدى. 2022 جىلدىڭ قاراشا ايىندا ەلوردادا كوپ قاباتتى ءۇيدىڭ بىرىندە ءورت بولىپ، ادامداردى قۇتقارۋ كەزىندە ءوز ءومىرىن قاتەرگە تىككەن ءورت ءسوندىرۋشى ەرلىكپەن قازا تاپتى. ول ءارقاشان ءوزىنىڭ ەرجۇرەكتىلىگىمەن، باتىلدىعىمەن جانە ءوز ىسىنە دەگەن سۇيىسپەنشىلىگىمەن ەرەكشەلەندى. جۇمىسقا زور قۇرمەتپەن جانە جاۋاپكەرشىلىكپەن قارادى، جوعارى دارەجەلى مامان بولدى.

 https://almaty-akshamy.kz/uploads/images/2023/02/image_750x_63f0b5fe6bc07.jpg