استانا قالاسىنىڭ اكىمى جەڭىس قاسىمبەك كوپقاباتتى ءۇيدىڭ تۇرعىندارىمەن كەزدەستى.
«Rixos Khan Shatyr Residences تۇرعىن ءۇي كەشەنىنىڭ تۇرعىندارىمەن كەزدەستىم. ءورت سالدارىن جويۋ بويىنشا جۇمىس كوميسسياسىن قۇرامىز. ەندى ساراپشىلار تەحنيكالىق قورىتىندى بەرگەننەن كەيىن قاسبەتتى قالپىنا كەلتىرۋگە جانە زارداپ شەككەن پاتەرلەردى جوندەۋگە كىرىسەمىز»، — دەپ جازدى جەڭىس قاسىمبەك Facebok پاراقشاسىندا.
ودان بولەك، ەلوردا اكىمى ءورتتىڭ سەبەبىن قالانىڭ توتەنشە جاعدايلار دەپارتامەنتى انىقتايتىنىن ءمالىم ەتتى.
ايتا كەتسەك، كەشە استانادا كوپقاباتتى تۇرعىن ءۇيدىڭ 26-قاباتىنان ءورت شىقتى.
ورتەنگەن ۇيدەن 8 ادام كوشىرىلىپ، ارنايى شتاب قۇرىلدى.